ಹುಬ್ಬಳ್ಳಿ: ಉತ್ತರ ಕರ್ನಾಟಕ ಸಾರಿಗೆ ಬಸ್ ಪ್ರಯಾಣಿಕರಿಗೆ ವಾಯವ್ಯ ಕರ್ನಾಟಕ ಸಾರಿಗೆ ಸಂಸ್ಥೆ ಶುಕ್ರವಾರ 100 ಹೊಸ ಬಸ್‌ಗಳಿಗೆ ಚಾಲನೆ ನೀಡಿದ್ದು, ಈ ವರ್ಷದ ಅಂತ್ಯದೊಳಗೆ ಹೊಸದಾಗಿ 294 ಹೈಟೆಕ್‌ ಬಸ್‌ಗಳು ರಸ್ತೆಗಿಳಿಯುತ್ತಿವೆ.
ಉತ್ತರ ಕರ್ನಾಟಕ ಸಾರಿಗೆ ಬಸ್ ಪ್ರಯಾಣಿಕರಿಗೆ ಗುಡ್‌ನ್ಯೂಸ್‌. ವಾಯವ್ಯ ಕರ್ನಾಟಕ ಸಾರಿಗೆ ಸಂಸ್ಥೆಗೆ ಇದೇ ವರ್ಷದ ಅಂತ್ಯದೊಳಗೆ ಹೊಸದಾಗಿ 294 ಹೈಟೆಕ್‌ ಬಸ್‌ಗಳು ಸೇರ್ಪಡೆಯಾಗಲಿವೆ.
ಪ್ರಮುಖವಾಗಿ ಹು-ಧಾರವಾಡ ನಗರ ಹಾಗೂ ಬೆಳಗಾವಿ, ಚಿಕ್ಕೋಡಿ, ಬಾಗಲಕೋಟ, ಗದಗ,ಹಾವೇರಿ, ಶಿರಸಿ, ಧಾರವಾಡ ಹಾಗೂ ಹುಬ್ಬಳ್ಳಿ ಗ್ರಾಮಾಂತರ ವಿಭಾಗದಲ್ಲಿಈ ನೂತನ ಬಸ್‌ಗಳು ಸಂಚಾರ ಪ್ರಾರಂಭಿಸಲಿವೆ.
ಪೂರ್ವಭಾವಿಯಾಗಿ 100 ಬಸ್‌ಗಳಿಗೆ ಸಾರಿಗೆ ಸಚಿವರು ಶುಕ್ರವಾರ ಚಾಲನೆ ನೀಡಲಾಗುತ್ತಿದೆ. ಉಳಿದ ಬಸ್‌ಗಳು ಹಂತ ಹಂತವಾಗಿ ಬರಲಿವೆ. ಡಿಸೆಂಬರ್‌ ಅಂತ್ಯದೊಳಗೆ ಒಟ್ಟು 294 ಹೈಟೆಕ್‌ ಬಸ್‌ಗಳನ್ನು ರಸ್ತೆಗೆ ಇಳಿಯಲಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ರಾಜ್ಯದ ನಾಲ್ಕು ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗಳಲ್ಲಿ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಗೆ ತನ್ನದೇ ಆದ ಇತಿಹಾಸ ಹಾಗೂ ಮಹತ್ವ ಇದೆ. ಪ್ರಯಾಣಿಕರಿಗೆ ಉತ್ತಮ ಸೇವೆ ಜೊತೆ ಜೊತೆಗೆ ಇಂದಿನ ಕಾಲಮಾನಕ್ಕೆ ತಕ್ಕಂತೆ ದಾಪುಗಾಲು ಹಾಕತಾ ಇದೆ. ಬಸ್ ಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಅನುಕೂಲಕ್ಕಾಗಿ ಕಳೆದ ಒಂದು ವರ್ಷದಿಂದ ಆನ್ ಲೈನ್ ಪೆಮೆಂಟ್ ಸಿಸ್ಟಂ( ಯುಪಿಐ) ಕ್ಯೂಆರ್ ಕೋಡ್ ವ್ಯವಸ್ಥೆ ಜಾರಿ ಮಾಡಿದ್ದು, ಪ್ರಯಾಣಿಕರಿಗೆ ದೊಡ್ಡ ಪ್ರಮಾಣದಲ್ಲಿ ಅನುಕೂಲ ಆಗಿದೆ. ಪ್ರಸ್ತುತ 51 ಘಟಕಗಳಲ್ಲಿ ನಿರ್ವಹಿಸುತ್ತಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ವಾಯುವ್ಯ ಕರ್ನಾಟಕ ಸಾರಿಗೆ ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕರಾದ ಪ್ರೀಯಾಂಗ ಅವರು ಈ ಬಗ್ಗೆ ಮಾತನಾಡಿದ್ದು, ” ಡಿಜಿಟಲ್ ಪೇಮೆಂಟ್ ವ್ಯವಸ್ಥೆಯನ್ನು ವಿಭಾಗದ ಎಲ್ಲಾ ಡಿಪೋಗಳಲ್ಲಿ ಜಾರಿ ಮಾಡಲಾಗಿದೆ. ಬಳಕೆದಾರರ ಸಂಖ್ಯೆ ಹೆಚ್ಚಾಗುತ್ತಿದೆ.
ಯುಪಿಐ ಬಳಕೆ ಮಾಡುವರು ಎರಡು ಮೂರುಪಟ್ಟು ಹೆಚ್ಚಾಗಿದ್ದಾರೆ. ಪ್ರತಿದಿನ ಆನ್‌ಲೈನ್ ಪೆಮೆಂಟ್‌ನಿಂದ 28 ಲಕ್ಷ ಜಮಾ ಆಗುತ್ತಿದೆ. ಯುಪಿಐ ಜಾರಿಗೊಳಿಸದಾಗಿನಿಂದ ಇಲ್ಲಿಯವರೆಗೂ 50 ಕೋಟಿ ರೂ. ಸಂಗ್ರಹವಾಗಿದೆ ” ಎಂದು ತಿಳಿಸಿದರು.
” ಚಿಲ್ಲರೆ ಸಮಸ್ಯೆ ಇರುವದಿಲ್ಲ. ಒಮ್ಮೆ ಒಮ್ಮೆ ಟಿಕೆಟ್ ಮೇಲೆ ಹಿಂಬರಹ ಬರೆದು ಕೊಡುತ್ತಿದ್ದರು. ಪ್ರಯಾಣಿಕರ ಟಿಕೆಟ್ ಹಣ ಪಡೆಯದೆ ಮರೆತು ಹೋಗುತ್ತಿದ್ದರು. ಇದರಿಂದ ಆ ಸಮಸ್ಯೆ ಇರುವದಿಲ್ಲ. ಬಹಳ ಅನುಕೂಲವಾಗಿದೆ. “
