ಜೊಮ್ಯಾಟೊ ಸದ್ಯ ಭಾರತದ ಬೃಹತ್ ನಗರಗಳಲ್ಲಿ ತನ್ನ ಗ್ರಾಹಕರು ಬೇಡಿದ ಆಹಾರವನ್ನು ಮನೆ ಮನೆಗೆ ತಲುಪಿಸುವ ಒಂದು ಆ್ಯಪ್. ನಿತ್ಯ ಲಕ್ಷಾಂತರ ಮಂದಿಗೆ ಆರ್ಡರ್ ಮಾಡಿದ ಕೆಲವೇ ಗಂಟೆಗಳಲ್ಲಿ ಆಹಾರ ಪೂರೈಸಿ ತನ್ನದೇ ಆದ ದೈತ್ಯ ಸಾಮ್ರಾಜ್ಯವನ್ನು ಕಟ್ಟಿಕೊಂಡಿರುವ ಕಂಪನಿಗಳಲ್ಲಿ ಒಂದು.
ಈ ಜೊಮ್ಯಾಟೊ ಕಂಪನಿಗೆ ಈಗ ಸರಿಯಾಗಿ ಜಿಎಸ್ಟಿ ಕಟ್ಟದ ಕಾರಣದಿಂದಾಗಿ 803 ಕೋಟಿ ರೂಪಾಯಿ ಪಾವತಿ ಮಾಡುವಂತೆ ನೋಟಿಸ್ ಹೋಗಿದೆ.
ಜೊಮ್ಯಾಟೊ ಕಂಪನಿಗೆ ಡಿಸೆಂಬರ್ 12,2024ರಂದು ನೋಟೀಸ್ ತಲುಪಿದೆ. 29 ಅಕ್ಟೋಬರ್ 2019 ರಿಂದ 31 ಮಾರ್ಚ್ 2022ರವರೆಗೆ ನಡೆದ ವ್ಯವಹಾರದ ಕುರಿತು ನೋಟಿಸ್ ಹೋಗಿದೆ. ಸಿಜಿಎಸ್ಟಿ ಮತ್ತು ಸೆಂಟ್ರಲ್ ಎಕ್ಸೈಸ್, ಥಾಣೆ ಕಮಿಷನರೇಟ್ ಮಹಾರಾಷ್ಟ್ರ ಒಟ್ಟು 401 ಕೋಟಿ70 ಲಕ್ಷ 14 ಸಾವಿರ 706 ರೂಪಾಯಿ ಜಿಎಸ್ಟಿ ಹಾಗೂ ದಂಡ ಹಾಗೂ ಬಡ್ಡಿ ಸೇರಿ ಒಟ್ಟು 803.4 ಕೋಟಿ ರೂಪಾಯಿ ಜೊಮ್ಯಾಟೊ ಪಾವತಿಸಬೇಕಿದೆ ಎಂದು ಸ್ಪಷ್ಟಿಕರಣ ನೀಡಿದೆ.
ಡಿಲವೆರಿ ಚಾರ್ಜಸ್ ಮೇಲೆ ಇರುವ ಜಿಎಸ್ಟಿಯನ್ನು ಕಟ್ಟದ ಕಾರಣ ಈ ಒಂದು ನೋಟಿಸ್ ಜೊಮ್ಯಾಟೊಗೆ ಹೋಗಿದೆ.ಈ ಬಗ್ಗೆ ಮಾತನಾಡಿರುವ ಸಂಸ್ಥೆ ನಾವು ಈ ಬಗ್ಗೆ ನಾವು ಸಂಬಂಧಪಟ್ಟ ಮಂಡಳಿಗೆ ಮೇಲ್ಮನವಿ ಸಲ್ಲಿಸಲಿದ್ದೇವೆ ಎಂದು ಹೇಳಿದೆ.
ಈ ಬಗ್ಗೆ ಮಾತನಾಡಿರುವ ಜೊಮ್ಯಾಟೊ ವಕ್ತಾರರು ನಾವು ನಮ್ಮ ಕಾನೂನು ಸಲಹೆಗಾರರು ಹಾಗೂ ತೆರಿಗೆ ಸಲಹೆಗಾರೊಂದಿಗೆ ಚರ್ಚಿಸಿ ಮುಂದಿನ ನಡೆಯನ್ನು ನಿರ್ಧರಿಸಲಿದ್ದೆವೆ. ಈಗಾಗಲೇ ಈ ವಿಚಾರ ಕುರಿತು ಸಂಬಂಧಪಟ್ಟ ಮಂಡಳಿಗೆ ಮೇಲ್ಮನವಿಯನ್ನು ಸಲ್ಲಿಸಿಲು ಸಜ್ಜಾಗಿದ್ದೇವೆ ಎಂದು ಹೇಳಿದ್ದಾರೆ.
