Hyderabad News:
TATA ಮೋಟಾರ್ ಹ್ಯಾರಿಯರ್ ಮತ್ತು ಸಫಾರಿ ಮಾಡೆಲ್ ವಾಹನದ ಸೀಮಿತ ಆವೃತ್ತಿಯ ಸ್ಟೆಲ್ತ್ ಎಡಿಷನ್ ಬಿಡುಗಡೆ ಮಾಡಿದ್ದು, ಡಾರ್ಕ್ ಥೀಮ್ನಲ್ಲಿ ಈ ಕಾರಿನ ವಿನ್ಯಾಸ ಮಾಡಲಾಗಿದೆ. ಈ ಸ್ಟೆಲ್ತ್ ಎಡಿಷನ್ನ ಮೊತ್ತೊಂದು ವಿಶೇಷ ಎಂದರೆ TATA ಸಫಾರಿಯ 27ನೇ ವರ್ಷದ ಸಂಭ್ರಮದಲ್ಲಿ ಬಿಡುಗಡೆ ಮಾಡಲಾಗಿದೆ.
TATA ಹ್ಯಾರಿಯರ್ ಸ್ಟೆಲ್ತ್ ಎಡಿಷನ್ 25,09 ಲಕ್ಷದಿಂದ ಆರಂಭವಾದರೆ, TATA ಸಫಾರಿ ಸ್ಟೆಲ್ತ್ ಎಡಿಷನ್ 25.74 ಲಕ್ಷದಿಂದ ಪ್ರಾರಂಭವಾಗಲಿದೆ. ಈ ದರಗಳು ದೆಹಲಿಯ ಎಕ್ಸ್ ಶೋರೂಂ ದರಗಳಾಗಿವೆ.ಎಸ್ಯುವಿ ಪ್ರಿಯರಿಗೆ TATA ಮೋಟಾರ್ಸ್ ಹೊಸ ಆವೃತ್ತಿ ವಾಹನಗಳನ್ನು ಬಿಡುಗಡೆ ಮಾಡಿದೆ. ಭಾರತದಲ್ಲಿ TATA ಹ್ಯಾರಿಯರ್ ಮತ್ತು TATA ಸಫಾರಿ ಮಾಡೆಲ್ಗಳಿಗಾಗಿ ಸ್ಟೆಲ್ತ್ ಎಡಿಷನ್ನನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಸದ್ಯಕ್ಕೆ ಈ ವಾಹನ ಕೇವಲ 2,700 ಯುನಿಟ್ಗೆ ಸೀಮಿತವಾಗಿದೆ.
ಈ ಸೀಮಿತ ಆವೃತ್ತಿಯ ಮಾಡೆಲ್ಗಳು ಸ್ಟೆಲ್ತ್ ಮ್ಯಾಟ್ ಬ್ಲ್ಯಾಕ್ ಫಿನಿಶ್ ಜೊತೆಗೆ ಅಪ್ಡೇಟೆಡ್ ಡಿಸೈನ್ನಲ್ಲಿ ಲಭ್ಯವಿದೆ. ಇದಲ್ಲದೆ, ಸಫಾರಿ ಸ್ಟೆಲ್ತ್ ಆವೃತ್ತಿಯು 6- 7 ಸೀಟರ್ ಲಭ್ಯವಿದೆ.ಸೀಮಿತ ಆವೃತ್ತಿಯ ಈ ವಾಹನಗಳನ್ನು ಕಂಪನಿಯ ಅಧಿಕೃತ ವೆಬ್ಸೈಟ್ ಮೂಲಕ ಮಾತ್ರ ಬುಕ್ ಮಾಡಬಹುದಾಗಿದೆ. ಭಾರತದಲ್ಲಿ ಗ್ರಾಹಕರು ತಮ್ಮ ಹತ್ತಿರದ TATA ಮೋಟಾರ್ ಡೀಲರ್ಶಿಪ್ಗೆ ಭೇಟಿ ನೀಡುವ ಮೂಲಕ ಬುಕ್ಕಿಂಗ್ ಮಾಡಬಹುದಾಗಿದೆ.
Stealth Edition Price and Booking:7 ಸೀಟರ್ನ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗಳು ಕ್ರಮವಾಗಿ ರೂ 25.74 ಲಕ್ಷ ಮತ್ತು ರೂ 27.14 ಲಕ್ಷ ರೂ. ಆಗಿದೆ. 6 ಸೀಟರ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ರೂಪಾಂತರದ ಬೆಲೆ ರೂ. 27.24 ಲಕ್ಷ ಆಗಿದೆ.ಮ್ಯಾನುಯಲ್ TATA ಹ್ಯಾರಿಯರ್ ಸ್ಟೆಲ್ತ್ ಎಡಿಷನ್ ಬೆಲೆ ₹25.09 ಲಕ್ಷವಾಗಿದ್ದು, ಆಟೋಮೆಟಿಕ್ ವಾಹನದ ಬೆಲೆ 26.49 ಲಕ್ಷವಾಗಿದೆ.
TATA ಸಫಾರಿ ಸ್ಟೆಲ್ತ್ ಎಡಿಷನ್ ಮೂರು ವೇರಿಯಂಟ್ನಲ್ಲಿ ಲಭ್ಯವಿದೆ.
Tata Health Edition Design:ವಾಹನದ ಒಳಭಾಗದಲ್ಲಿ ಕಾರ್ಬನ್-ನಾಯ್ರ್ ಥೀಮ್ನಲ್ಲಿ ವೆಂಟಿಲೇಟೆಡ್ ಸೀಟ್ ಹೊಂದಿದೆ. ಹಾಗೇ ಕಪ್ಪು ಲೆಥೆರೆಟ್ ಡ್ಯಾಶ್‌ಬೋರ್ಡ್ ಹೊಂದಿದೆ. TATA ಸಫಾರಿಯಲ್ಲಿ ಮಾತ್ರ ಎರಡನೇ ಸಾಲಿನ ಸೀಟ್ನಲ್ಲಿ ಕೂಡ ವೆಂಟಿಲೇಟೆಡ್ ವ್ಯವಸ್ಥೆ ಇದೆ.ಟಾಟಾ ಸ್ಟೆಲ್ತ್ ಎಡಿಷನ್ ಮ್ಯಾಟ್ ಬ್ಲಾಕ್ ಬಣ್ಣದ ಜೊತೆಗೆ ಆರ್19 ಅಲೊಯ್ ವ್ಹೀಲ್ ಹೊಂದಿದ್ದು, ಸ್ಟೆಲ್ತ್ ಲಾಂಛನ ಇದೆ. ಡಾರ್ಕ್ ಥೀಮ್ ಬ್ಯಾಡ್ಜಿಂಗ್ ಮತ್ತು ಬ್ಲ್ಯಾಕ್ಡ್ ಔಟ್ ಫ್ರಂಟ್ ಗ್ರಿಲ್‌ನೊಂದಿಗೆ ಲಭ್ಯವಾಗಲಿದೆ.
Feature:ಸುರಕ್ಷಿತ ವಿಚಾರದಲ್ಲಿ 7 ಏರ್ಬ್ಯಾಗ್ ಹೊಂದಿದ್ದು, 17 ಕಾರ್ಯಾಚರಣೆಯ ಇಎಸ್ಪಿ, 360 ಡಿಗ್ರಿ ಕ್ಯಾಮರಾ, ಟಿಪಿಎಂಎಸ್ ಸೇರಿದಂತೆ ಬಹು ವಿಶೇಷತೆಗಳಿಂದ ಕೂಡಿದೆ.ಟಾಟಾ ಸ್ಟೆಲ್ತ್ ಎಡಿಷನ್ ಹ್ಯಾರಿಯರ್ ಮತ್ತು ಸಫಾರಿ ಸ್ಟಾಂಡರ್ಡ್ ಫಿಯರ್ಲೆಸ್ ಪ್ಲಸ್ ಮತ್ತು ಅಕಂಪ್ಲಿಶ್ಡ್ ಪ್ಲಸ್ ವೆರಿಯಂಟ್ನಲ್ಲಿ ಲಭ್ಯವಿದೆ.
ಈ ಸೀಮಿತ ಆವೃತ್ತಿ ವಾಹನದಲ್ಲಿ 12.3 ಇಂಚ್ ಹರ್ಮಾನ್ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್, 10 ಸ್ಪೀಕರ್ ಜೆಬಿಎಲ್ ಆಡಿಯೋ ಸಿಸ್ಟಂ ಜೊತೆಗೆ ಆಡಿಯೋವೊರ್ಕಸ್, 10.25 ಇಂಚ್ ಡಿಜಿಟಲ್ ಸಾಧನದ ಕ್ಲಸ್ಟರ್, ವೈರಲೆಸ್ ಚಾರ್ಜಿಂಗ್ ಪ್ಯಾಡ್, ಆರ್ಕೆಡ್ ಆಪ್ ಸ್ಟೋರ್, ಅಲೆಕ್ಸಾ ಹೋಮ್ ಟು ಕಾರ್, ಮ್ಯಾಪ್ ಮೈ ಇಂಡಿಯಾ ನಾವಿಗೇಷನ್, ಪನೊರಮಿಕ್ ಸನ್ರೂಫ್, ಅಂಬಿಯೆಂಟ್ ಲೈಟಿಂಗ್ ಇದೆ.
ಕ್ರಯೊಟೆಕ್ 2.0ಎಲ್ ಬಿಎಸ್6 ಫೇಸ್2 ಟರ್ಬೊಚಾರ್ಜಡ್ ಎಂಜಿನ್ ಹಾಗೂ 350ಎನ್ ಟರ್ಕು ಹಾಗೂ 167.67 ಪಿಎಚ್ಪಿ ಜನರೇಟೆಡ್ ಔಟ್ಪುಟ್ ಹೊಂದಿದೆ. ಈ ಸೀಮಿತ ಆವೃತ್ತಿ ವಾಹನಗಳು 6 ಸ್ಪೀಡ್ ಮ್ಯಾನುಯಲ್ ಮತ್ತು ಆಟೋಮೆಟಿಕ್ ಆಯ್ಕೆಯಲ್ಲೂ ಇವೆ.
