ಲಂಡನ್: ಮೈಸೂರಿನಲ್ಲಿ ಆಳ್ವಿಕೆ ನಡೆಸಿದ್ದ ಟಿಪ್ಪು ಸುಲ್ತಾನ್ 1799ರಲ್ಲಿ ಶ್ರೀರಂಗಪಟ್ಟಣ ಕದನದಲ್ಲಿ ಬಳಸಿದ್ದ ಎನ್ನಲಾದ ಖಡ್ಗ ಲಂಡನ್‌ನಲ್ಲಿ 3.4 ಕೋಟಿ ರೂಪಾಯಿಗೆ ಹರಾಜಾಗಿದೆ.
ಯುದ್ದದಲ್ಲಿ ಬ್ರಿಟಿಷ್ ಸೇನೆಗೆ ಕೊಡುಗೆ ನೀಡಿದ್ದ ಕಾರಣಕ್ಕೆ ಕ್ಯಾಪ್ಟನ್ ಜೇಮ್ಸ್ ಆ್ಯಂಡ್ರ ಡಿಕ್ ಎಂಬ ಅಧಿಕಾರಿಗೆ ಬ್ರಿಟಿಷ್ ಸರ್ಕಾರ ಟಿಪ್ಪು ಸುಲ್ತಾನ್ ಬಳಸಿದ್ದ ಈ ಖಡ್ಗವನ್ನು ಉಡುಗೊರೆಯಾಗಿ ನೀಡಿತ್ತು.
2024ರವರೆಗೂ ಈ ಖಡ್ಗವನ್ನು ಡಿಕ್ ಕುಟುಂಬಸ್ಥರು ತಮ್ಮ ಬಳಿಯೇ ಇಟ್ಟುಕೊಂಡಿದ್ದರು. ಇದೀಗ ಈ ಖಡ್ಗವನ್ನು ಹರಾಜು ಹಾಕಲಾಗಿದೆ.
ಖಡ್ಗವು ವಿಶಿಷ್ಟವಾದ ಡುಬ್ರಿ (ಹುಲಿ ಪಟ್ಟೆ) ವಿನ್ಯಾಸವನ್ನು ಹೊಂದಿದೆ. ಖಡ್ಗದ ಮೇಲೆ ಚಿನ್ನದ ಲೇಪನ ಇದ್ದು, ಅರೇಬಿಕ್ ಭಾಷೆಯಲ್ಲಿ ‘ಹ’ ಎಂದು ಕೆತ್ತಲಾಗಿದೆ. ಇದು ಟಿಪ್ಪು ತಂದೆ ಹೈದರ್ ಅಲಿ ಹೆಸರನ್ನು ಸೂಚಿಸುತ್ತದೆ ಎಂದು ಇತಿಹಾಸಕಾರರು ವಿಶ್ಲೇಷಿಸಿದ್ದಾರೆ.
ಕ್ಯಾಪ್ಟನ್ ಜೇಮ್ಸ್ ಆ್ಯಂಡ್ರ ಡಿಕ್ ಶ್ರೀರಂಗಪಟ್ಟಣದ 75ನೇ ರೆಜಿಮೆಂಟ್‌ನಲ್ಲಿ ಸೇವೆ ಸಲ್ಲಿಸಿದ್ದ. ಶತ್ರು ಪಡೆಗಳ ಕೋಟೆಯ ಗೋಡೆಗಳನ್ನು ಭೇದಿಸಿ ಒಳ ನುಗ್ಗುವುದು ಈ ರೆಜಿಮೆಂಟಿನ ಕೆಲಸವಾಗಿತ್ತು.
ಶ್ರೀರಂಗಪಟ್ಟಣದ ಕೋಟೆಯನ್ನು ಭೇದಿಸಿ ಒಳನುಗ್ಗಲು ಬ್ರಿಟಿಷ್ ಸೇನೆಗೆ ಡಿಕ್ ನೇತೃತ್ವದ ಪಡೆ ಅಗತ್ಯ ಸಹಾಯ ಮಾಡಿತ್ತು. ಹೀಗಾಗಿ ಟಿಪ್ಪುವಿನ ಮರಣದ ನಂತರ ಖಡ್ಗವನ್ನು ಡಿಕ್‌ಗೆ ಉಡುಗೊರೆಯಾಗಿ ನೀಡಲಾಗಿತ್ತು.
ಪುರಾತನ ಖಡ್ಗದ ಜತೆಗೆ ಬ್ರಿಟಿಷ್ ಸೇನಾಧಿಕಾರಿ ಪೀಟ‌ರ್ ಚೆರಿಗೆ ನೀಡಲಾಗಿದ್ದ ಬೆಳ್ಳಿಯ ಪದಕವನ್ನೂ ಹರಾಜು ಹಾಕಲಾಗಿತ್ತು. ಈ ಪದಕ 24 ಲಕ್ಷ ರೂಪಾಯಿಗೆ ಹರಾಜಾಗಿದೆ.
ಟಿಪ್ಪು ಸುಲ್ತಾನ್ ಮತ್ತು ನವಾಬರ ನಡುವೆ ಏರ್ಪಟ್ಟಿದ್ದ ಒಪ್ಪಂದದ ಗುಪ್ತ ದಾಖಲೆ 38.6 ಲಕ್ಷ ರೂಪಾಯಿ ಹರಾಜಾಗಿದೆ.
ಉದ್ಯಮಿ ವಿಜಯ್ ಮಲ್ಯ ವಶದಲ್ಲಿದ್ದ ಟಿಪ್ಪು ಸುಲ್ತಾನ್ ಖಡ್ಗ ಲಂಡನ್‌ನಲ್ಲಿ ಕಳೆದ ವರ್ಷ 143 ಕೋಟಿಗೆ ರೂಪಾಯಿಗೆ ಹರಾಜಾಗಿತ್ತು. ಸಿನಿಮಾ ಬ್ರಿಟಿಷ್ ರಾಜಮನೆತನದ ವಸ್ತುಸಂಗ್ರಹಾಲಯದಲ್ಲಿದ್ದ ಖಡ್ಗವನ್ನು ವಿಜಯ್ ಮಲ್ಯ 2004ರಲ್ಲಿ 1.57 ಕೋಟಿಗೆ ರೂಪಾಯಿಗೆ ಖರೀದಿಸಿದ್ದರು.
1799ರಲ್ಲಿ ನಡೆದ 4ನೇ ಆಂಗ್ಲೋ-ಮೈಸೂರು ಯುದ್ಧದಲ್ಲಿ ಟಿಪ್ಪು ಸುಲ್ತಾನ್ ಮರಣ ನಂತರ ಈ ಖಡ್ಗವನ್ನು ಅರಮನೆಯ ಖಾಸಗಿ ಕೋಣೆಯಿಂದ ಪಡೆದುಕೊಳ್ಳಲಾಗಿತ್ತು. ಬಳಿಕ ಅದನ್ನು ಬ್ರಿಟಿಷ್ ಸೇನೆ ಮೇಜರ್ ಜನರಲ್ ಡೇವಿಡ್ ಬೇರ್ಡೆಗೆ ಉಡುಗೊರೆಯಾಗಿ ನೀಡಿತ್ತು.
ಭಾ ಕೇತಾನ್ ಫೌಂಡೇಶನ್ ಇತ್ತೀಚೆಗೆ ಬೆಂಗಳೂರಿನ ಖಾಸಗಿ ಹೋಟೆಲ್‌ನಲ್ಲಿ ಆಯೋಜಿಸಿದ್ದ ಖ್ಯಾತ ಇತಿಹಾಸಕಾರ ಡಾ.ವಿಕ್ರಮ್ ಸಂಪತ್ ಅವರ ಟಿಪ್ಪು ಸುಲ್ತಾನ್ ಐತಿಹಾಸಿಕ ಕಾದಂಬರಿಯನ್ನು ಸಂಸದ ತೇಜಸ್ವಿ ಸೂರ್ಯ ಬಿಡಿಗಡೆ ಮಾಡಿದ್ದಾರೆ. ಬಳಿಕ ಮಾತನಾಡಿ, ದೇಶದ ಭವಿಷ್ಯಕ್ಕೆ ಇತಿಹಾಸ ಮುಖ್ಯ.
ಇತಿಹಾಸದ ಸತ್ಯವನ್ನು ಕಥೆ, ಕಾದಂಬರಿಗ ಮೂಲಕ ಮುಂದಿನ ಪೀಳಿಗೆಗೆ ಕೊಡುವ ಕೆಲಸ ಅಗತ್ಯ. ಇದರ ಭಾಗವಾಗಿ ಸುಮಾರು ಸಾವಿರ ಪುಟದ ಟಿಪ್ಪು ಸುಲ್ತಾನ್ ಕಾದಂಬರಿ ಪ್ರಕಟವಾಗಿದೆ ಎಂದು ತಿಳಿಸಿದ್ದಾರೆ.
