ಸಿಎನ್​ಜಿ ಬೆಲೆ 4 ರಿಂದ 6 ರೂ. ಹೆಚ್ಚಳ ಸಾಧ್ಯತೆ

ನವದೆಹಲಿ: ಅನಿಲ ವಿತರಕರಿಗೆ ಪೂರೈಸಲಾಗುವ ಅಗ್ಗದ ದೇಶೀಯ ಅನಿಲ ಪೂರೈಕೆಯನ್ನು ಸರ್ಕಾರ ಸುಮಾರು ಶೇಕಡಾ 20 ರಷ್ಟು ಕಡಿತಗೊಳಿಸಿ ದೇಶಾದ್ಯಂತ ಸಂಕುಚಿತ ನೈಸರ್ಗಿಕ ಅನಿಲ (ಸಿಎನ್​ಜಿ) ಬೆಲೆ ಹೆಚ್ಚಾಗುವ ಸಾಧ್ಯತೆಯಿದೆ.
ಅಕ್ಟೋಬರ್ 16 ರಿಂದ ಕಂಪನಿಗೆ ಶೇಕಡಾ 21ರಷ್ಟು ಕಡಿಮೆ ಎಪಿಎಂ ಅನಿಲ ಪೂರೈಕೆಯಾಗುತ್ತಿರುವುದರಿಂದ ಕಂಪನಿಯ ಲಾಭ ಕಡಿಮೆಯಾಗುತ್ತಿದೆ ಎಂದು ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್ ಹೇಳಿದೆ.
ಸರ್ಕಾರವು ಬೆಲೆ-ನಿಯಂತ್ರಿತ ದೇಶೀಯ ಅನಿಲ ಸಿಎನ್​ಜಿ ವಾಹನಗಳ ಚಾಲಕರಿಗೆ ಮತ್ತು ಮನೆಗಳಿಗೆ ಮಾರಾಟ ಮಾಡಲು ಅನಿಲ ವಿತರಕರಿಗೆ ಹಂಚಿಕೆ ಮಾಡುತ್ತದೆ.
ಈ ರೀತಿಯ ಅನಿಲ ಪೂರೈಕೆಯನ್ನು ಸದ್ಯ ಸರ್ಕಾರವು ಶೇ 20ರಷ್ಟು ಕಡಿತ ಮಾಡಿದೆ.
ಮಂಗಳವಾರದವರೆಗೆ ಸುಮಾರು ಶೇ 68ರಷ್ಟು ಮತ್ತು ಕಳೆದ ಅಕ್ಟೋಬರ್​ನಲ್ಲಿ ಸುಮಾರು ಶೇ 88 ಕ್ಕಿಂತ ತೀವ್ರವಾಗಿ ಕಡಿಮೆಯಾಗಿದೆ.
ಮಾರಾಟ ಮಾಡುವ ಸಿಎನ್​ಜಿ ಮಾರಾಟದ ಸುಮಾರು ಶೇ 50 ಕ್ಕೆ ಇಳಿದಿದೆ.
ನೈಸರ್ಗಿಕ ಅನಿಲವನ್ನು ಅರೇಬಿಯನ್ ಸಮುದ್ರ, ಬಂಗಾಳ ಕೊಲ್ಲಿಗಳಲ್ಲಿ ಸಮುದ್ರ ತಳಗಳು ಸೇರಿದಂತೆ ಭಾರತದೊಳಗೆ ನೆಲದಾಳದಿಂದ ಪಂಪ್ ಮಾಡಿ ಹೊರ ತೆಗೆಯಲಾಗುತ್ತದೆ.
ಪಂಪ್ ಮಾಡಿ ಹೊರತೆಗೆಯಲಾದ ಅನಿಲವನ್ನು ವಾಹನಗಳಲ್ಲಿ ಬಳಸಲು ಸಿಎನ್​ಜಿಯಾಗಿ ಮತ್ತು ಮನೆಗಳಲ್ಲಿ ಬಳಸಲು ಅಡುಗೆ ಅನಿಲವಾಗಿ ಪರಿವರ್ತಿಸಲಾಗುತ್ತದೆ.
ಸರ್ಕಾರದಿಂದ ನಿಯಂತ್ರಿಸಲ್ಪಡುವ ಮತ್ತು ನಗರ ಅನಿಲ ಚಿಲ್ಲರೆ ವ್ಯಾಪಾರಿಗಳಿಗೆ ಪೂರೈಸಲಾಗುವ ಸಾಂಪ್ರದಾಯಿಕ ತೈಲ ಉತ್ಪಾದನೆಯು ನೈಸರ್ಗಿಕವಾಗಿ ವಾರ್ಷಿಕ ಶೇಕಡಾ 5 ರಷ್ಟು ಕುಸಿಯುತ್ತಿದೆ.
ನಗರ ಅನಿಲ ಚಿಲ್ಲರೆ ವ್ಯಾಪಾರಿಗಳಿಗೆ ಪೂರೈಸಲಾಗುವ ಸಿಎನ್​ಜಿಯ ಪೂರೈಕೆಯನ್ನು ಕಡಿಮೆ ಮಾಡಲಾಗಿದೆ ಎಂದುತಿಳಿಸಿವೆ.
ನಗರ ಅನಿಲ ಚಿಲ್ಲರೆ ವ್ಯಾಪಾರಿಗಳು ಈ ಪೂರೈಕೆ ಕೊರತೆಯನ್ನು ಸರಿದೂಗಿಸಲು ದುಬಾರಿ ದ್ರವೀಕೃತ ನೈಸರ್ಗಿಕ ಅನಿಲ (ಎಲ್ಎನ್ ಜಿ)ವನ್ನು ಆಮದು ಮಾಡಿಕೊಳ್ಳುವುದು ಅನಿವಾರ್ಯವಾಗುತ್ತಿದೆ.
ಸಿಎನ್​ಜಿ ಬೆಲೆ ಕೆಜಿಗೆ 4 ರಿಂದ 6 ರೂ.ಗಳಷ್ಟು ಹೆಚ್ಚಾಗಲಿದೆ ಎಂದು ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್ ತಿಳಿಸಿದೆ.