New Delhi News:
ದೆಹಲಿ ವಿಧಾನಸಭೆಯ 70 ಕ್ಷೇತ್ರಗಳಲ್ಲಿ 6 ಕಡೆ ಕೇವಲ 2000 ಮತಗಳಿಗಿಂತ ಕಡಿಮೆ ಅಂತರದಲ್ಲಿ ಅಭ್ಯರ್ಥಿಗಳು ಜಯಿಸಿದ್ದಾರೆ. ಇಷ್ಟು ಕಡಿಮೆ ಅಂತರದಲ್ಲಿ ಗೆದ್ದ ಆರೂ ಅಭ್ಯರ್ಥಿಗಳು ಬಿಜೆಪಿಯವರು ಎಂಬುದು ಗಮನಾರ್ಹ.
DELHI ELECTIONS 2025 ಯಲ್ಲಿ ಬಿಜೆಪಿ ಭರ್ಜರಿ ಜಯ ಸಾಧಿಸಿ, 27 ವರ್ಷಗಳ ಬಳಿಕ ಗದ್ದುಗೆ ಏರುತ್ತಿದೆ. ಇತ್ತ ಆಡಳಿತಾರೂಢ ಆಪ್ ಪಕ್ಷಕ್ಕೆ ಭಾರೀ ಹಿನ್ನಡೆಯಾಗಿದೆ. ಆದರೆ ಆಪ್ನ ಅಭ್ಯರ್ಥಿಯೊಬ್ಬರು ಅತೀ ಹೆಚ್ಚು ಅಂತರದ ಮತಗಳ ಮೂಲಕ ಜಯಭೇರಿ ಬಾರಿಸಿದರೆ, ಬಿಜೆಪಿಯ ಅಭ್ಯರ್ಥಿಯೊಬ್ಬರು ಕೇವಲ 344 ಮತಗಳಿಂದ ಗೆದ್ದಿದ್ದಾರೆ.
Winners by the largest margin:
DELHI ELECTIONS 2025 ಮಟಿಯಾಮಹಲ್ ಕ್ಷೇತ್ರದ ಆಪ್ ಅಭ್ಯರ್ಥಿ ಆಲೇನ್ ಮೊಹಮ್ಮದ್ ಇಕ್ಬಾಲ್ ಅವರು ಅತೀ ಹೆಚ್ಚು ಅಂದರೆ 42,724 ಮತಗಳ ಅಂತರದಿಂದ ಜಯಿಸಿದ್ದಾರೆ. ಹಾಗೆಯೇ ಸೀಲಂಪುರ್ ಕ್ಷೇತ್ರದ ಆಪ್ ಅಭ್ಯರ್ಥಿ ಚೌಧರಿ ಜುಬೇರ್ ಅಹಮದ್ ಎರಡನೇ ಅತೀ ಹೆಚ್ಚು ಮತ ಅಂದರೆ 42,477 ಮತಗಳ ಅಂತರದಿಂದ ಗೆಲುವಿನ ನಗೆ ಬೀರಿದ್ದಾರೆ.
ರೋಹಿಣಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿಜೇಂದ್ರ ಗುಪ್ತಾ ಮೂರನೇ ಅತೀ ಹೆಚ್ಚು 37,816 ಮತಗಳ ಅಂತರದಿಂದ ಜಯ ಸಾಧಿಸಿದ್ದಾರೆ.
ದೆವಲಿ ಕ್ಷೇತ್ರದ ಆಪ್ನ ಪ್ರೇಮ್ ಚೌಹಾಣ್ 36,680 ಮತ, ಭವಾನಾ ಕ್ಷೇತ್ರದ ಬಿಜೆಪಿಯ ರವೀಂದ್ರ ಇಂದ್ರಜ್ ಸಿಂಗ್ 31,475 ಮತ ಮತ್ತು ಬಲ್ಲಿಮರನ್ ಕ್ಷೇತ್ರದ ಆಪ್ನ ಇಮ್ರಾನ್ ಹುಸೇನ್ 29,823 ಮತ ಹಾಗೂ ಉತ್ತಮ ನಗರ ಕ್ಷೇತ್ರದ ಬಿಜೆಪಿಯ ಪವನ್ ಶರ್ಮಾ 29,740 ಮತಗಳ ಅಂತರದಿಂದ ಜಯಭೇರಿ ಬಾರಿಸಿದವರು.
Winners by shortest margin:
ಫೆ.8ರಂದು ಪ್ರಕಟವಾದ ವಿಧಾನಸಭೆಯ ಫಲಿತಾಂಶದಲ್ಲಿ ಬಿಜೆಪಿ 48 ಕ್ಷೇತ್ರಗಳಲ್ಲಿ ಜಯಿಸಿದ್ದು, ಆಪ್ 22 ಕ್ಷೇತ್ರಗಳಲ್ಲಿ ಗೆದ್ದಿದೆ. ಕಾಂಗ್ರೆಸ್ ಈ ಬಾರಿಯೂ ಸೊನ್ನೆ ಸುತ್ತಿದೆ. ದೆಹಲಿಯಲ್ಲಿ 27 ವರ್ಷಗಳ ಬಿಜೆಪಿ ಗದ್ದುಗೆ ಏರುತ್ತಿದೆ.
ಆರು ಅಭ್ಯರ್ಥಿಗಳು 2000 ಮತಗಳಿಂತ ಕಡಿಮೆ ಅಂತರದಲ್ಲಿ ಗೆದ್ದಿದ್ದು, ಎಲ್ಲರೂ ಬಿಜೆಪಿಯವರಾಗಿದ್ದಾರೆ. DELHI ELECTIONS 2025 ಸಂಗಮ್ ವಿಹಾರ್ ಕ್ಷೇತ್ರದ ಚಂದ್ರನ್ ಕುಮಾರ್ ಚೌಧರಿ ಕೇವಲ 344 ಮತಗಳ ಅಂತರದಿಂದ ಜಯಿಸಿದ್ದಾರೆ.
ಇನ್ನು ತ್ರಿಲೋಕಪುರಿ ಕ್ಷೇತ್ರದ ರವಿಕಾಂತ್ 392 ಮತ, ಜಂಗ್ಪುರ್ ಕ್ಷೇತ್ರದ ತರವಿಂದರ್ ಸಿಂಗ್ 675 ಮತ, ತಿಮರ್ಪುರ್ ಕ್ಷೇತ್ರದ ಸೂರ್ಯ ಪ್ರಕಾಶ್ 1168, ರಾಜೇಂದ್ರ ನಗರದ ಉಮಾಂಗ್ ಬಜಾಜ್ 1231 ವೋಟ್, ಮೆಹರೌಲಿಯ ಗಜೇಂದ್ರ ಸಿಂಗ್ ಯಾದವ್ 1782 ಮತಗಳ ಅಂತರದಿಂದ ಜಯಿಸಿದ್ದಾರೆ.
ಇದನ್ನು ಓದಿರಿ : How to manage to stay hydrated in winter without drinking water all day.
