HOLLYWOOD WILDFIRES : ಲಾಸ್ ಏಂಜಲೀಸ್ನಲ್ಲಿ ಭೀಕರ ಕಾಡ್ಗಿಚ್ಚು;

Los Angeles (America News):

ಅಮೆರಿಕದ ಕ್ಯಾಲಿಫೋರ್ನಿಯಾ ರಾಜ್ಯದ ಲಾಸ್​ ಏಂಜಲೀಸ್ ನಗರದಲ್ಲಿ ಕಾಡ್ಗಿಚ್ಚಿನ ರುದ್ರ ನರ್ತನವಾಗುತ್ತಿದೆ. HOLLYWOOD ಹಿಲ್ಸ್‌ನಲ್ಲಿ ಅನೇಕ ​ ಸೆಲೆಬ್ರಿಟಿಗಳ ಮನೆಗಳು ಬೆಂಕಿಗೆ ಆಹುತಿಯಾಗಿವೆ.ಬೆಂಕಿ ವ್ಯಾಪಿಸುತ್ತಿರುವುದನ್ನು ನಿಯಂತ್ರಿಲು ಅಗ್ನಿಶಾಮಕದಳ ಸಿಬ್ಬಂದಿ ಹರಸಾಹಸಪಡುತ್ತಿದ್ದಾರೆ.

ಇದುವರೆಗೆ ಐವರು ಸಾವನ್ನಪ್ಪಿದ್ದು, 1,30,000 ಜನರು ತಾವಿದ್ದ ಸ್ಥಳಗಳನ್ನು ತೊರೆದಿದ್ದಾರೆ. ಕಾಡ್ಗಿಚ್ಚು ಪೆಸಿಫಿಕ್ ಕರಾವಳಿಯಿಂದ ಒಳನಾಡಿನ ಪಸಾಡೆನಾವರೆಗೆ ಹಬ್ಬಿದೆ.ಲಾಸ್​ ಏಂಜಲೀಸ್​ನಲ್ಲಿ ಕಾಣಿಸಿಕೊಂಡಿರುವ ಭೀಕರ ಕಾಡ್ಗಿಚ್ಚು HOLLYWOOD​ ಬೆಟ್ಟಗಳಲ್ಲಿ ವೇಗವಾಗಿ ಹರಡುತ್ತಿದ್ದು, ಇಲ್ಲಿನ ಪ್ರಸಿದ್ಧ ಸ್ಥಳಗಳು, ಸೆಲೆಬ್ರಿಟಿಗಳ ಮನೆ ಮತ್ತಿತರ ಆಸ್ತಿಗಳೂ ಕೂಡ ಬೆಂಕಿಯ ಕೆನ್ನಾಲಿಗೆಗೆ ತುತ್ತಾಗಿವೆ.

Continuous effort to extinguish the fire: ಬೆಂಕಿ ಅನಾಹುತಗಳನ್ನು ನಿಯಂತ್ರಿಸಲು ನಿರಂತರ ಪ್ರಯತ್ನ ನಡೆಸಲಾಗುತ್ತಿದ್ದು, ಹೆಲಿಕ್ಯಾಪ್ಟರ್​​ಗಳ ಮೂಲಕ ಆಗಸದಿಂದ ನೀರು ಸುರಿಯಲಾಗುತ್ತಿದೆ. ಬೆಂಕಿಯ ಕೆನ್ನಾಲಿಗೆಗೆ ಬೆಚ್ಚಿದ ಜನರು ಇಲ್ಲಿನ ಪ್ರಖ್ಯಾತ ಹೋಟೆಲ್​ಗಳಿಂದ ಹೊರ ಓಡಿದ್ದಾರೆ.

HOLLYWOOD​ನ ವಾಕ್​ ಆಫ್​ ಫೇಮ್​ನಿಂದ 1.6 ಕಿ.ಮೀ ದೂರದಲ್ಲಿ ಈ ಸನ್​ಸೆಟ್​ ಫೈರ್​ (ಇಳಿಸಂಜೆ ಬೆಂಕಿ) ಕಾಣಿಸಿಕೊಂಡಿದ್ದು, ಗ್ರೌಮನ್ಸ್​ ಚೈನೀಸ್​ ಥಿಯೇಟರ್​ ಮತ್ತು ಮೆಡಮ್ಸ್​​ ಟ್ಯೂಸೆಡ್​ನಲ್ಲೂ ಕೂಡ ಬೆಂಕಿಯ ಅಲರಾಂಗಳು ಹೊಡೆದುಕೊಂಡಿವೆ.ಬೆಂಕಿ 12ಕ್ಕೂ ಹೆಚ್ಚು ಶಾಲೆಗಳನ್ನು ಹಾನಿಗೊಳಿಸಿದೆ.

ಬಲವಾಗಿ ಬೀಸುತ್ತಿರುವ ಗಾಳಿ ನಮಗೆ ಬೆಂಕಿ ನಂದಿಸಲು ಸವಾಲಾಗಿದೆ ಎಂದು ಲಾಸ್​ ಏಜೆಂಲ್ಸ್​ ಮೇಯರ್​ ಕರೆನ್​ ಬಾಸ್​ ತಿಳಿಸಿದರು.ಗಾಳಿಯ ವೇಗ ಹೆಚ್ಚಿರುವ ಕಾರಣ ಅಗ್ನಿಶಾಮಕದಳ ಬೆಂಕಿ ನಂದಿಸುವಲ್ಲಿ ವಿಫಲವಾಗುತ್ತಿದೆ. ಬಲವಾದ ಗಾಳಿ ಈ ಕಾಡ್ಗಿಚ್ಚನ್ನು ಮತ್ತಷ್ಟು ಹರಡುತ್ತಿದೆ ಎಂದು ಅಗ್ನಿಶಾಮಕ ದಳದ ಮುಖ್ಯಸ್ಥ ಚದ್​ ಆಗಸ್ಟಿನ್ ಮಾಹಿತಿ ನೀಡಿದ್ದಾರೆ.

ಈಟೊನ್​ ಮತ್ತು ಪಲಿಸಡೆಸ್​ನಲ್ಲಿ 1,900 ಕಟ್ಟಡಗಳು HOLLYWOODದ್ದು, ಹಾನಿಯ ಪ್ರಮಾಣ ಮತ್ತಷ್ಟು ಹೆಚ್ಚುವ ಆತಂಕವಿದೆ. ನೀರು ಪೂರೈಕೆ ವ್ಯವಸ್ಥೆ ಮತ್ತು ವಿದ್ಯುತ್​ ಸಂಪರ್ಕಕ್ಕೂ ಕಾಡ್ಗಿಚ್ಚು ಅಡ್ಡಿಯಾಗುತ್ತಿದೆ. ದಕ್ಷಿಣ ಕ್ಯಾಲಿಫೋರ್ನಿಯಾದ 4,56,000 ಜನರು ವಿದ್ಯುತ್​ ಇಲ್ಲದೇ ಪರದಾಡುವಂತಾಗಿದೆ.

ಕಾಡ್ಗಿಚ್ಚು ಅನೇಕ ಹಾಲಿವುಡ್​​ ಸೆಲೆಬ್ರಿಟಿಗಳ ಮನೆಗಳನ್ನು ಸುಟ್ಟು ಕರಕಲು ಮಾಡಿದೆ. ಲಾಸ್​ ಏಂಜಲೀಸ್​ ಇತಿಹಾಸವನ್ನೇ ಇದು ಹಾನಿ ಮಾಡುತ್ತಿದೆ. ಮಂಡೆ ಮೊರ್ರೆ, ಕ್ಯಾರಿ ಎಲ್ವೆಸ್​ ಮತ್ತು ಪ್ಯಾರಿಸ್​ ಹಿಲ್ಟನ್​, ಬಿಲ್ಲಿ ಕ್ರಿಸ್ಟಲ್​​​ ಸೇರಿದಂತೆ ಅನೇಕ ನಟ-ನಟಿಯರು ತಮ್ಮ ಮನೆಗಳನ್ನು ಕಳೆದುಕೊಂಡಿದ್ದಾರೆ.

Toxic fumes spread everywhere:  ಈ ಗ್ರಾಮ ಇತ್ತೆಂಬ ಸುಳಿವನ್ನೇ ಬೆಂಕಿ ಮರೆಮಾಚಿದೆ. ಕಾಡ್ಗಿಚ್ಚು ಸುಮಾರು 42 ಚ.ಕಿ.ಮೀ ಹರಡಿದ್ದು, ವೇಗವಾಗಿ ಹರಡುತ್ತಿರುವ ಬೆಂಕಿಯಿಂದ ಪರಾಗಲು ಜನರು ಹರಸಾಹಸ ಮಾಡುತ್ತಿದ್ದಾರೆ.

ಸುಟ್ಟ ಪ್ರದೇಶಗಳಲ್ಲಿ ದಟ್ಟ ವಿಷಕಾರಿ ಹೊಗೆ ಹರಡಿದ್ದು, ಜನರು ಎನ್​ 95 ಮಾಸ್ಕ್​ ಧರಿಸಿ ಓಡಾಡುತ್ತಿದ್ದಾರೆ. ಪಲಿಸಡೆಸ್​ ಗ್ರಾಮದಲ್ಲಿ ಸಾರ್ವಜನಿಕ ಗ್ರಂಥಾಲಯ, ಅಂಗಡಿಗಳು, ಬ್ಯಾಂಕ್​ ಹಾಗು ಅನೇಕ ಸಭಾಭವನಗಳು ಹಾನಿಯಾಗಿವೆ.

Biden declared a state of emergency: ಅನೇಕ HOLLYWOOD​ ಸ್ಟುಡಿಯೋಗಳು ಸಿನಿಮಾ ನಿರ್ಮಾಣವನ್ನು ನಿಲ್ಲಿಸಿವೆ. ಯೂನಿವರ್ಸಲ್​ ಸ್ಟುಡಿಯೋದಲ್ಲಿರುವ ಥೀಮ್​ ಪಾರ್ಕ್ ಅನ್ನು​ ಮುಚ್ಚಲಾಗಿದೆ. ಅಧ್ಯಕ್ಷ ಜೋ ಬೈಡನ್​ ಸಂತ ಮೊನಿಕಾ ಅಗ್ನಿಶಾಮಕ ಸ್ಥಳಕ್ಕೆ ಭೇಟಿ ನೀಡಿದ್ದು, ಈಗಾಗಲೇ​ ತುರ್ತು ಪರಿಸ್ಥಿತಿ ಘೋಷಣೆ ಮಾಡಿದ್ದಾರೆ.

ಇದನ್ನು ಓದಿರಿ : INDIAN DEATH IN RUSSIA : ಉಕ್ರೇನ್ ಯುದ್ಧದಲ್ಲಿ ರಷ್ಯಾದ ಸೇನೆ ಸೇರಿದ್ದ ಕೇರಳಿಗ ಸಾವು: