ಮೈಸೂರು: ಒಂದೆಡೆ ದೇಶದ ರಾಜಧಾನಿ ಹೊಸದಿಲ್ಲಿಯಲ್ಲಿ ವಾಯುಮಾಲಿನ್ಯ ಹೆಚ್ಚಾಗುತ್ತಿದ್ದು, ಮತ್ತೊಂದೆಡೆ ಮೈಸೂರಿನಲ್ಲಿ ವರ್ಷದಿಂದ ವರ್ಷಕ್ಕೆ ಎಲೆಕ್ಟ್ರಿಕ್ ವಾಹನಗಳನ್ನು ಬಳಕೆ ಮಾಡುವವರ ಸಂಖ್ಯೆ ದುಪ್ಪಟ್ಟಾಗುತ್ತಿದೆ. ಆ ಮೂಲಕ ಸಾಂಸ್ಕೃತಿಕ ನಗರಿ ಹಸಿರು ನಗರಿಯಾಗುವತ್ತ ಹೆಜ್ಜೆ ಇಟ್ಟಿದೆ.
ವಾಯು ಮಾಲಿನ್ಯ, ತೈಲ ಬೆಲೆ ಏರಿಕೆ ಮುಂತಾದ ಕಾರಣಗಳಿಂದ ಹೈರಾಣಾದವರಿಗೆ ಎಲೆಕ್ಟ್ರಿಕ್ ವಾಹನಗಳು ಇದೀಗ ಪರ್ಯಾಯವಾಗಿ ಬಂದಿವೆ. ಕೆಲ ವರ್ಷಗಳ ಹಿಂದೆ ಬ್ಯಾಟರಿ ಚಾಲಿತ ವಾಹನ ಗಳೆಂದರೆ ಜನ ಮೂಗು ಮುರಿಯುತ್ತಿದ್ದರು. ಆದರೀಗ ಇ-ವಾಹನಗಳ ಮೇಲೆ ಹೆಚ್ಚಿನ ಪ್ರೀತಿ ಕಂಡು ಬರುತ್ತಿದೆ.
ಹೆಚ್ಚೆಚ್ಚು ಜನರು ಈ ವಾಹನಗಳನ್ನು ಇಷ್ಟಪಡುತ್ತಿದ್ದು, ಕಾರುಗಳಿಗೆ ಹೋಲಿಸಿದರೆ ದ್ವಿಚಕ್ರ ವಾಹನಗಳಿಗೆ ಬೇಡಿಕೆ ಹೆಚ್ಚಾಗಿದೆ.
ಈ ಹಿಂದೆ ಎಲೆಕ್ಟ್ರಿಕ್ ವಾಹನಗಳೆಂದರೆ ಎಂದರೆ ಮೂಗು ಮುರಿಯುತ್ತಿದ್ದ ಜನ ಈಗ ಹೆಚ್ಚು ಇವಿಗಳನ್ನೇ ಬಳಸುತ್ತಿದ್ದಾರೆ. ಪ್ರಮುಖ ನಗರಗಳಲ್ಲಿ ವಾಹನಗಳಿಂದಾಗಿ ವಾಯು ಮಾಲಿನ್ಯ ವಿಪರೀತವಾಗಿದ್ದು, ಹೊಸದಿಲ್ಲಿಯಲ್ಲಿ ಜನರು ಉಸಿರಾಡಲು ಕೂಡ ಕಷ್ಟಪಡುವಂತಹ ಸ್ಥಿತಿ ನಿರ್ಮಾಣವಾಗಿದೆ.
ಜತೆಗೆ ವಿಪರೀತವಾಗಿ ತೈಲ ಬೆಲೆ ಏರುತ್ತಿದ್ದು, ವಾಹನ ಮಾಲೀಕರು ಕಂಗಾಲಾಗಿದ್ದಾರೆ. ಇಂತಹ ಸ್ಥಿತಿಯಲ್ಲಿ ವಾಯು ಮಾಲಿನ್ಯವಿಲ್ಲದ ‘ಪರಿಸರ ಸ್ನೇಹಿ’ ಎಲೆಕ್ಟ್ರಿಕಲ್‌ ವಾಹನಗಳು ಇದೀಗ ಹೆಚ್ಚು ಜನರನ್ನು ಆಕರ್ಷಿಸುತ್ತಿವೆ.
ಮುಂಬಯಿ, ಬೆಂಗಳೂರು, ಚೆನ್ನೈ ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ವಾಹನಗಳಿಂದಾಗಿ ವಾಯು ಮಾಲಿನ್ಯ ವಿಪರೀತವಾಗಿದ್ದು, ಹೊಸದಿಲ್ಲಿಯಲ್ಲಿ ಜನರು ಉಸಿರಾಡಲು ಕೂಡ ಕಷ್ಟಪಡುವಂತಹ ಸ್ಥಿತಿ ನಿರ್ಮಾಣವಾಗಿದೆ. ಜತೆಗೆ ವಿಪರೀತವಾಗಿ ತೈಲ ಬೆಲೆ ಏರುತ್ತಿದ್ದು, ವಾಹನ ಮಾಲೀಕರು ಕಂಗಾಲಾಗಿದ್ದಾರೆ.
ಇಂತಹ ಸ್ಥಿತಿಯಲ್ಲಿ ವಾಯು ಮಾಲಿನ್ಯವಿಲ್ಲದ ‘ಪರಿಸರ ಸ್ನೇಹಿ’ ಎಲೆಕ್ಟ್ರಿಕಲ್‌ ವಾಹನಗಳು ಇದೀಗ ಹೆಚ್ಚು ಜನರನ್ನು ಆಕರ್ಷಿಸುತ್ತಿವೆ.
ಕಳೆದ ಮೂರು ವರ್ಷದಿಂದ ಮೈಸೂರು ನಗರದ ಎಲೆಕ್ಟ್ರಿಕ್ ಶೋರೂಂಗಳ ಸಂಖ್ಯೆ ಕೂಡ ಹೆಚ್ಚಾಗಿದೆ. ನಾನಾ ಕಂಪನಿಗಳ ಎಲೆಕ್ಟ್ರಿಕ್ ವಾಹನಗಳು ಮಾರುಕಟ್ಟೆಗೆ ದಾಂಗುಡಿ ಇಟ್ಟಿವೆ. ಕಾಲೇಜು ಯುವಕ/ಯುವತಿಯರಿಂದ ಹಿಡಿದು ಮಧ್ಯ ವಯಸ್ಕರೂ ಎಲೆಕ್ಟ್ರಿಕ್ ವಾಹನಗಳತ್ತ ಹೆಚ್ಚು ಆಕರ್ಷಿತರಾಗುತ್ತಿದ್ದಾರೆ.
ಆನ್‌ಲೈನ್‌ ಮೂಲಕ ಆರ್ಡರ್‌ ಮಾಡುವ ಗ್ರಾಹಕರಿಗೆ ವಸ್ತುಗಳನ್ನು ತಲುಪಿಸುವ ಡೆಲಿವರಿ ಬಾಯ್‌ಗಳಿಗೂ ಬ್ಯಾಟರಿ ಚಾಲಿತ ವಾಹನಗಳು ವರದಾನವಾಗಿವೆ. ಎಲೆಕ್ಟ್ರಿಕ್ ಔಆಹನಗಳ ನಿರ್ವಹಣೆ ವೆಚ್ಚವೂ ಕಡಿಮೆ ಜೊತೆಗೆ ಗೃಹಜ್ಯೋತಿಯ ಕಾರಣದಿಂದಾಗಿ ಮನೆಯಲ್ಲೆ ವಾಹನಗಳ ಚಾರ್ಜ್ ಮಾಡಿದಾಗ, ಬಿಲ್ ಕೂಡಾ ಉಚಿತವಾಗಿಯೇ ಬರುವುದರಿಂದ ಎಲ್ಲರಿಗೂ ಇವಿ ಅಚ್ಚುಮೆಚ್ಚಿನ ವಾಹನವಾಗಿದೆ.
2022ರಲ್ಲಿ ಮೈಸೂರು ನಗರದಲ್ಲಿ 3713 ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳು ನೋಂದಣಿಯಾಗಿದ್ದರೆ, 2024ರಲ್ಲಿ 5477 ವಾಹನಗಳು ನೋಂದಣಿ ಯಾಗಿವೆ. ಅದೇ ರೀತಿ 2022ರಲ್ಲಿ 180 ಕಾರುಗಳು ನೋಂದಣಿಯಾಗಿದ್ದರೆ, 2024ರಲ್ಲಿ 280 ಕಾರುಗಳು ನೋಂದಣಿ ಯಾಗಿವೆ.
ಇವುಗಳ ಜತೆಗೆ ತ್ರಿಚಕ್ರ ಗೂಡ್ಸ್‌ ವಾಹನ 54 ಹಾಗೂ 49 ಪ್ಯಾಸೆಂಜರ್‌ ವಾಹನಗಳು ನೋಂದಣಿಯಾಗಿವೆ. ಒಟ್ಟಾರೆ ಈ ವರ್ಷ ಜನವರಿಯಿಂದ ಇಲ್ಲಿಯವರೆಗೂ 5860 ಎಲೆಕ್ಟ್ರಿಕ್ ವಾಹನಗಳು ನೋಂದಣಿ ಯಾಗಿವೆ.
