ಜೋಡಿಯಾಗಿ ಬಿಗ್​ಬಾಸ್​ ಮನೆಗೆ ಎಂಟ್ರಿ ಕೊಟ್ಟ ಕಾರ್ತಿಕ್​, ನಮ್ರತಾ

ಕನ್ನಡದ ಬಿಗ್​ ರಿಯಾಲಿಟಿ ಶೋ ಸೀಸನ್ 11ಕ್ಕೆ ಹಳೆಯ ಕಂಟೆಸ್ಟೆಂಟ್​ಗಳ ಆಗಮನವಾಗಿದೆ. ನಿನ್ನೆಯ ಎಪಿಸೋಡ್​ನಲ್ಲಿ ಬಿಗ್​ಬಾಸ್​ ಮನೆಗೆ ಅಚ್ಚರಿಯ ರೀತಿಯಲ್ಲಿ ಡ್ರೋನ್​ ಪ್ರತಾಪ್​ ಎಂಟ್ರಿ ಕೊಟ್ಟಿದ್ದರು.
ಇದಾದ ಬಳಿಕ ಬೆಂಕಿ ಅಂತಲೇ ಫೇಮಸ್ ಆಗಿರೋ ತನಿಷಾ ಕುಪ್ಪಂಡ ಬಿಗ್​ಬಾಸ್​ ಮನೆಗೆ ಎಂಟ್ರಿ ಕೊಟ್ಟಿದ್ದರು. ತನಿಷಾ ಬಳಿಕ ವರ್ತೂರು ಸಂತೋಷ್ ಹಾಗೂ ತುಕಾಲಿ ಸಂತೋಷ್​ ಬಂದು ನಾಮಿನೇಷನ್​ ಪ್ರಕ್ರಿಯೆಯನ್ನು ನಡೆಸಿದ್ದಾರೆ.
ಇನ್ನೂ ಇಂದು ರಿಲೀಸ್​ ಆದ ಹೊಸ ಪ್ರೋಮೋದಲ್ಲಿ ಕಾರ್ತಿಕ್​ ಮಹೇಶ್​ ಹಾಗೂ ನಮ್ರತಾ ಗೌಡ ಬಿಗ್​ಬಾಸ್​ ಮನೆಗೆ ಜೋಡಿಯಾಗಿ ಎಂಟ್ರಿ ಕೊಟ್ಟಿದ್ದಾರೆ. ಬಿಗ್​ಬಾಸ್​ ಮನೆಗೆ ಪ್ರವೇಶ ಮಾಡುತ್ತಿದ್ದಂತೆ ನಾಮಿನೇಷನ್​ ಪ್ರಕ್ರಿಯೆಯನ್ನು ಮುಂದುವರೆಸಿದ್ದಾರೆ.
ಕಾರ್ತಿಕ್​ ಮಹೇಶ್​ ಸಮ್ಮುಖದಲ್ಲಿ ಗೌತಮಿ, ಮೋಕ್ಷಿತಾಗೆ ನಾಮಿನೇಟ್​ ಮಾಡಿದ್ದಾರೆ. ಈ ಮೂಲಕ ಗೆಳತಿಯ ಮಧ್ಯೆ ಮತ್ತೆ ಗಲಾಟೆಯಾಗುತ್ತಾ ಅಥವಾ ಎಲ್ಲವನ್ನೂ ಮರೆತು ಮತ್ತೆ ಈ ಜೋಡಿ ಒಂದಾಗುತ್ತಾರಾ ಅಂತ ಮುಂದಿನ ದಿನಗಳಲ್ಲಿ ಕಾದು ನೋಡಬೇಕಿದೆ.