ಚೆನ್ನೈ: ತಮಿಳುನಾಡಿನ ತಿರುವಳ್ಳುವರ್‌ ಜಿಲ್ಲೆಯ ಗುಮ್ಮುಡಿ ಪೂಂಡಿಯಲ್ಲಿ ಶುಕ್ರವಾರ ರಾತ್ರಿ ಗೂಡ್ಸ್ ರೈಲೊಂದಕ್ಕೆ ಮೈಸೂರು-ದರ್ಭಾಂಗ ಬಾಗ್‌ಮತಿ ಎಕ್ಸ್ಪ್ರೆಸ್ ಡಿಕ್ಕಿ ಹೊಡೆದು 13 ಬೋಗಿಗಳು ಹಳಿ ತಪ್ಪಿ ಕನಿಷ್ಟ 19 ಮಂದಿ ಗಾಯಗೊಂಡಿದ್ದಾರೆ. ಮೈಸೂರು-ದರ್ಭಾಂಗ್ ಎಕ್ಸ್ಪ್ರೆಸ್ ರೈಲಿನ ಡಿಕ್ಕಿಯಿಂದಾಗಿ ನೈರುತ್ಯ ರೈಲ್ವೆಯು ವಿಶೇಷ ರೈಲಿನ ವ್ಯವಸ್ಥೆಯನ್ನು ಮಾಡಿದೆ. ಅಪಘಾತದಿಂದಾಗಿ ಸ್ಥಳದಲ್ಲೇ ಸಿಲುಕಿರುವ ಪ್ರಯಾಣಿಕರಿಗಾಗಿ ಡಾ ಎಮ್‌ಜಿಆರ್ ಚೆನ್ನೈ ರೈಲ್ವೆ ಸ್ಟೇಷನ್‌ ನಿಂದ ಅಕ್ಟೋಬರ್ 12 ರ ಸಂಜೆ 4 ಗಂಟೆಗೆ ಈ ರೈಲು ಹೊರಡಲಿದೆ.
ಈ ರೈಲು ಅರಕ್ಕೋಣಮ್, ರೆನಿಗುಂಟ, ಗುಡೂರು ಹಾಗೂ ರೇನಿಗುಂಟ ಮೂಲಕ ಸಂಚರಿಸಲಿದ್ದು ರೆನಿಗುಂಟವನ್ನು ಸಂಜೆ 6-30 ಕ್ಕೆ ತಲುಪಲಿದೆ.
ದಾನಾಪುರ್‌ನಿಂದ ಅಕ್ಟೋಬರ್ 10 ಕ್ಕೆ ಹೊರಟ ” ದನಾಪುರ್-ಸರ್ ಎಮ್ ವಿಶ್ವೇಶ್ವರಯ್ಯ ಟರ್ಮಿನಲ್ ಬೆಂಗಳೂರು”, ಈ ರೈಲನ್ನು ಮಾರ್ಗ ಬದಲಾವಣೆ ಮಾಡಲಾಗಿದೆ. ಗುಡುರು-ರಾಣಿಗುಂಟ-ಮೆಲ್ಪಕ್ಕಮ್ಮ್ ಮಾರ್ಗವಾಗಿ ಓಡಲಿದೆ. ಅಲ್ಲದೆ ಪೆರಂಬೂರು, ಅರಕ್ಕೋನಮ್ ನಲ್ಲಿ ಈ ರೈಲು ನಿಲುಗಡೆ ಇರುವುದಿಲ್ಲ, ಆದರೆ ತಿರುಟ್ಟಾನಿಯಲ್ಲಿ ಹೆಚ್ಚುವರಿ ನಿಲುಗಡೆ ಇರಲಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.
ಇನ್ನು ಪಾಟ್ನಾದಿಂದ ಹೊರಟ ಪಾಟ್ನಾ-ಸರ್ ಎಮ್ ವಿಶ್ವೇಶ್ವರಯ್ಯ ಟರ್ಮಿನಲ್ ಬೆಂಗಳೂರು”, ಈ ರೈಲನ್ನು ಸಹ ಮಾರ್ಗ ಬದಲಾವಣೆ ಮಾಡಲಾಗಿದೆ.ಅಲ್ಲದೆ ಪೆರಂಬೂರು, ಅರಕ್ಕೋನಮ್ ನಲ್ಲಿ ಈ ರೈಲು ನಿಲುಗಡೆ ಇರುವುದಿಲ್ಲ, ಆದರೆ ತಿರುಟ್ಟಾನಿಯಲ್ಲಿ ಹೆಚ್ಚುವರಿ ನಿಲುಗಡೆ ಇರಲಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.
ಇನ್ನು ಜಸಿದ್ಧಿ–ಸರ್ ಎಮ್ ವಿಶ್ವೇಶ್ವರಯ್ಯ ಟರ್ಮಿನಲ್ ಬೆಂಗಳೂರು ರೈಲು, 11 ರಂದು ಜಸಿಧಿಯಿಂದ ಹೊರಟಿದ್ದು, ಈ ರೈಲಿನ ಮಾರ್ಗ ಬದಲಾವಣೆ ಸಹ ಮಾಡಲಾಗಿದೆ ಎಂದು ರೈಲು ಇಲಾಖೆ ತಿಳಿಸಿದೆ.
ದರ್ಬಾಂಗ್‌ಗೆ ಹೊರಟಿದ್ದ ಮೈಸೂರು-ದರ್ಭಾಂಗ ಬಾಗಮತಿ ಸೂಪರ್‌ಫಾಸ್ಟ್ ಎಕ್ಸ್ಪ್ರೆಸ್ ಲೂಪ್ ಲೈನ್‌ನಲ್ಲಿ ಪ್ರವೇಶಿಸಿದೆ. ಬಳಿಕ ಗೂಡ್ಸ್ ರೈಲಿಗೆ ಹಿಂಬದಿಯಿಂದ ಡಿಕ್ಕಿ ಹೊಡೆದಿದೆ. ಈ ಡಿಕ್ಕಿಯಿಂದ ಪ್ರಯಾಣಿಕರಿದ್ದ 3 ಬೋಗಿಗಳಿಗೆ ಬೆಂಕಿ ಹತ್ತಿಕೊಂಡಿವೆ. ಗಾಯಾಳುಗಳನ್ನು ಆಸ್ಪತ್ರೆಗೆ ಕೊಂಡೊಯ್ಯಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.
75 ಕಿ.ಮೀ ವೇಗವಾಗಿ ರೈಲು ಬಂದು ಗೂಡ್ಸ್‌ರೈಲಿಗೆ ಡಿಕ್ಕಿಯಾಗಿದೆ. ಇಂಜಿನ್ ಪಕ್ಕದಲ್ಲಿದ್ದ ಪಾರ್ಸೆಲ್ ವ್ಯಾನ್‌ಗೆ ಬೆಂಕಿ ಹೊತ್ತಿಕೊಂಡಿದ್ದು, ಅಗ್ನಿಶಾಮಕ ದಳದವರು ಅದನ್ನು ನಂದಿಸಿದ್ದಾರೆ. ಒಟ್ಟು 12-13 ಬೋಗಿಗಳು ಹಳಿತಪ್ಪಿವೆ. ಅದೃಷ್ಟವಶಾತ್ ಇಲ್ಲಿಯವರೆಗೆ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಗಾಯಗೊಂಡ ಎಲ್ಲ ಪ್ರಯಾಣಿಕರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಹತ್ತಿರದ ಆಸ್ಪತ್ರೆಗಳಿಗೆ ರವಾನಿಸಲಾಗಿದೆ. ಎರಡೂ ದಿಕ್ಕಿನಲ್ಲಿ ರೈಲು ಸಂಚಾರವನ್ನು ಮುಚ್ಚಲಾಗಿದೆ. ವೈದ್ಯರು, ಆಂಬ್ಯುಲೆನ್ಸ್‌ಗಳು, ವೈದ್ಯಕೀಯ ಪರಿಹಾರ ವ್ಯಾನ್ ಮತ್ತು ರಕ್ಷಣಾ ತಂಡವು ಸ್ಥಳಕ್ಕೆ ತಲುಪಿದೆ ಮತ್ತು ದಕ್ಷಿಣ ರೈಲ್ವೆಯ ಹಿರಿಯ ಅಧಿಕಾರಿಗಳು ಸ್ಥಳದಲ್ಲಿದ್ದು ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದ್ದಾರೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
