Islamabad News:
AFGHANISTANದ ಮೇಲೆ ಮತ್ತಷ್ಟು ದಾಳಿ ನಡೆಸುವುದಾಗಿ ಪಾಕಿಸ್ತಾನ ಎಚ್ಚರಿಕೆ ನೀಡಿದೆ.” AFGHANISTANದ ಭೂಪ್ರದೇಶವನ್ನು ಬಳಸಿಕೊಂಡು ನಮ್ಮ ಮೇಲೆ ದಾಳಿ ಮಾಡಿದರೆ ಪಾಕಿಸ್ತಾನಕ್ಕೆ ಪ್ರತಿದಾಳಿ ನಡೆಸುವ ಕಾನೂನುಬದ್ಧ ಹಕ್ಕಿದೆ” ಎಂದು ಪ್ರಧಾನಿ ಶೆಹಬಾಜ್ ಷರೀಫ್ ಅವರ ರಾಜಕೀಯ ವ್ಯವಹಾರಗಳ ವಿಶೇಷ ಸಹಾಯಕ ರಾಣಾ ಸನಾವುಲ್ಲಾ ಸೋಮವಾರ ಸ್ಥಳೀಯ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
AFGHANISTANದ ಪಕ್ತಿಕಾ ಪ್ರಾಂತ್ಯದ ಮೇಲೆ ಇತ್ತೀಚೆಗೆ ತಾನು ನಡೆಸಿದ ವೈಮಾನಿಕ ದಾಳಿಯನ್ನು ಸಮರ್ಥಿಸಿಕೊಂಡಿರುವ ಪಾಕಿಸ್ತಾನ ಸರ್ಕಾರ, ಅಗತ್ಯ ಬಿದ್ದರೆ AFGHANISTANದೊಳಗಿನ ತೆಹ್ರೀಕ್-ಎ-ತಾಲಿಬಾನ್ ಪಾಕಿಸ್ತಾನ (ಟಿಟಿಪಿ) ಸಂಘಟನೆಯ ಅಡಗುತಾಣಗಳ ಮೇಲೆ ಮತ್ತೆ ದಾಳಿ ನಡೆಸುವುದಾಗಿ ಸೋಮವಾರ ಹೇಳಿದೆ.ತಾಲಿಬಾನ್ ದಂಗೆಕೋರರಿಗೆ AFGHANISTAN ಸುರಕ್ಷಿತ ಆಶ್ರಯವನ್ನು ಒದಗಿಸುತ್ತಿದೆ ಮತ್ತು ಪಾಕಿಸ್ತಾನದೊಳಗೆ ಭಯೋತ್ಪಾದಕ ಚಟುವಟಿಕೆ ನಡೆಸಲು ಅವರನ್ನು ಬೆಂಬಲಿಸುತ್ತಿದೆ ಎಂದು ಇಸ್ಲಾಮಾಬಾದ್ ಆರೋಪಿಸಿದೆ.
Afghanistan warns Pakistan: ಪಾಕಿಸ್ತಾನದ ದಾಳಿಗಳ ಬಗ್ಗೆ ಕಳೆದ ವಾರಾಂತ್ಯ ಪ್ರತಿಕ್ರಿಯೆ ನೀಡಿದ AFGHANISTANದ ರಾಜಕೀಯ ವ್ಯವಹಾರಗಳ ಉಪ ವಿದೇಶಾಂಗ ಸಚಿವ ಶೇರ್ ಮೊಹಮ್ಮದ್ ಅಬ್ಬಾಸ್ ಸ್ತಾನಿಕಜೈ, ಪರಮಾಣು ಬಾಂಬ್ಗಿಂತಲೂ ಪ್ರಬಲವಾಗಿ ಕೆಲಸ ಮಾಡಬಲ್ಲ ಹೋರಾಟಗಾರರು ನಮ್ಮ ಬಳಿ ಇದ್ದಾರೆ ಎಂದು ಎಚ್ಚರಿಕೆ ನೀಡಿದ್ದರು.
ನಾವು ಮಹಮೂದ್ ಘಜ್ನವಿ, ಬಾಬರ್ ಮತ್ತು ಅಹ್ಮದ್ ಷಾ ಅಬ್ದಾಲಿ ಅವರ ಕೇವಲ ಐವರು ಪುತ್ರರನ್ನು ನಮ್ಮ ಗಡಿಯಿಂದ ನಿಮ್ಮ ಕಡೆಗೆ ಬಿಟ್ಟರೆ ಸಾಕು, ಹಿಂದೂ ಮಹಾಸಾಗರಕ್ಕೂ ಅವರನ್ನು ತಡೆಯಲು ಸಾಧ್ಯವಾಗದು” ಎಂದು ಸ್ತಾನಿಕಜೈ ಶನಿವಾರ ಕಾಬೂಲ್ನಲ್ಲಿ ಪದವಿ ಪ್ರದಾನ ಸಮಾರಂಭವನ್ನುದ್ದೇಶಿಸಿ ಮಾತನಾಡುತ್ತಾ ಹೇಳಿದರು.”ಇಸ್ಲಾಮಾಬಾದ್ ತನ್ನ ಪಶ್ಚಿಮಕ್ಕಿರುವ ನೆರೆಯ ರಾಷ್ಟ್ರದ ತಾಳ್ಮೆಯನ್ನು ಪರೀಕ್ಷಿಸುವುದು ಬೇಡ. AFGHANISTAN ಸರ್ಕಾರದ ತಾಳ್ಮೆಯನ್ನು ಪಾಕಿಸ್ತಾನ ಹಗುರವಾಗಿ ತೆಗೆದುಕೊಳ್ಳುವುದು ಸರಿಯಲ್ಲ.
ಪರಮಾಣು ಬಾಂಬ್ಗೆ ಸಮನಾದ ಸಾಮರ್ಥ್ಯ ಹೊಂದಿರುವ ಹೋರಾಟಗಾರರು ನಮ್ಮಲ್ಲಿದ್ದಾರೆ.ಏತನ್ಮಧ್ಯೆ, ಟಿಟಿಪಿ ಪಾಕಿಸ್ತಾನದ ಮಿಲಿಟರಿ ಮತ್ತು ಭದ್ರತಾ ನೆಲೆಗಳ ಮೇಲೆ ದಾಳಿ ಮುಂದುವರಿಸಿದ್ದು, ದಾಳಿಗಳ ವ್ಯಾಪ್ತಿಯನ್ನು ವಿಸ್ತರಿಸಲು ಪ್ರಯತ್ನಿಸುತ್ತಿದೆ. AFGHANISTANದ ತಾಲಿಬಾನ್ ಪಾಕಿಸ್ತಾನದ ವಿರುದ್ಧ ದಾಳಿ ಮಾಡಲು ಅಗತ್ಯವಿರುವ ಧನಸಹಾಯ ಸೇರಿದಂತೆ ಟಿಟಿಪಿಗೆ ಎಲ್ಲಾ ರೀತಿಯಿಂದಲೂ ಬೆಂಬಲ ನೀಡುತ್ತಿದೆ ಮತ್ತು ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಕಾಬೂಲ್ ವಿಫಲವಾಗಿದೆ ಎಂದು ಇಸ್ಲಾಮಾಬಾದ್ ಹೇಳಿದೆ.
ಟಿಟಿಪಿಯನ್ನು “ಫಿತ್ನಾ ಅಲ್ ಖವಾರಿಜ್” ಎಂದು ಕರೆಯುವುದನ್ನು ನಿಲ್ಲಿಸುವಂತೆ ಆಡಳಿತ ಪಕ್ಷ ಪಾಕಿಸ್ತಾನ್ ಮುಸ್ಲಿಂ ಲೀಗ್-ನವಾಜ್ (ಪಿಎಂಎಲ್-ಎನ್) ಸೇರಿದಂತೆ ರಾಜಕೀಯ ಪಕ್ಷಗಳಿಗೆ ಟಿಟಿಪಿ ಎಚ್ಚರಿಕೆ ನೀಡಿದೆ. ಟಿಟಿಪಿ ಇಸ್ಲಾಂ ಧರ್ಮಕ್ಕೆ ಹಾನಿಯುಂಟು ಮಾಡಿದೆ ಮತ್ತು ಈ ಭಯೋತ್ಪಾದಕರಿಗೆ ಧರ್ಮದ ಬಗ್ಗೆ ನಿಜವಾದ ಆಸಕ್ತಿ ಇಲ್ಲ ಎಂದು ಪಾಕಿಸ್ತಾನ ಸರ್ಕಾರ ಹೇಳಿದೆ. ಇಸ್ಲಾಮಿಕ್ ಬೋಧನೆಗಳ ಪ್ರಕಾರ, ಇಂಥವರನ್ನು “ಫಿತ್ನಾ ಅಲ್-ಖವಾರಿಜ್” ಎಂದು ಕರೆಯಲಾಗುತ್ತದೆ.
ಇದನ್ನು ಓದಿರಿ : CALIFORNIA WILDFIRE : 70 ಸಾವಿರಕ್ಕೂ ಹೆಚ್ಚು ಜನರ ಸ್ಥಳಾಂತರ, ಸಾವಿರಾರು ಕಟ್ಟಡಗಳು ಬೆಂಕಿಗಾಹುತಿ
