New Delhi News:
ಈ ಬಾರಿ ಶನಿವಾರ ಕೇಂದ್ರ BUDGET ಮಂಡನೆಯಾಗಲಿದೆ.ಆದರೆ, ಈ ಬಾರಿ ಫೆಬ್ರವರಿ 1 ಶನಿವಾರ ಆಗಿರುವುದು ಕುತೂಹಲ ಹೆಚ್ಚಾಗುವಂತೆ ಮಾಡಿದೆ. ಈ ಹಿಂದಿನ ನಿದರ್ಶನಗಳನ್ನು ನೋಡುವುದಾದರೆ, ಶನಿವಾರ BUDGET ಮಂಡನೆಯಾದರೆ ಅವತ್ತು ಭಾರತದ ಷೇರು ಮಾರುಕಟ್ಟೆಗಳು ತೆರೆದಿರುವುದು ವಿಶೇಷ.ಸಂಪ್ರದಾಯದಂತೆ ಫೆಬ್ರವರಿ 1 ರಂದು 2025-26ರ ಕೇಂದ್ರ BUDGET ಮಂಡನೆಯಾಗಲಿದೆಯಾ ಎಂಬ ಬಗ್ಗೆ ಕೇಂದ್ರ ಸರ್ಕಾರ ಇನ್ನಷ್ಟೇ ಖಚಿತಪಡಿಸಬೇಕಿದೆ.
ಈ ಹಿಂದೆ ಫೆಬ್ರವರಿ 1, 2020 ಮತ್ತು ಫೆಬ್ರವರಿ 28, 2015 ರಂದು, ಕೇಂದ್ರ BUDGET ಮಂಡನೆಯಿಂದಾಗಿ ಮಾರುಕಟ್ಟೆಗಳು ಶನಿವಾರ ತೆರೆದಿದ್ದವು.ಪ್ರಸ್ತುತ ವರ್ಷದ ಬಗ್ಗೆ ನೋಡುವುದಾದರೆ, ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ (ಎನ್ಎಸ್ಇ) ಈಗಾಗಲೇ ಡಿ.23 ರಂದು ಈ ಬಗ್ಗೆ ಅಧಿಸೂಚನೆ ಹೊರಡಿಸಿದ್ದು, ಕೇಂದ್ರ BUDGET ಮಂಡನೆಯ ಕಾರಣ, ಫೆಬ್ರವರಿ 1, 2025 ರ ಶನಿವಾರದಂದು ವಿಶೇಷ ಟ್ರೇಡಿಂಗ್ ಸೆಷನ್ ನಡೆಯಲಿದೆ ಎಂದು ಹೇಳಿದೆ.”ಕೇಂದ್ರ BUDGET ಮಂಡನೆ ಕಾರಣ, ಸ್ಟಾಕ್ ಎಕ್ಸ್ಚೇಂಜ್ ಫೆಬ್ರವರಿ 01, 2025 ರಂದು ನಿಗದಿತ ಮಾರುಕಟ್ಟೆ ಸಮಯದ ಪ್ರಕಾರ ವ್ಯಾಪಾರ ವಹಿವಾಟು ನಡೆಸಲಿದೆ” ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ. ಪೂರ್ವಭಾವಿ ಸೆಷನ್ ಬೆಳಗ್ಗೆ 9 ರಿಂದ 9.08 ರವರೆಗೆ ನಡೆಯಲಿದೆ.
ಇದರ ನಂತರ, ಬೆಳಗ್ಗೆ 9.15 ರಿಂದ ಮಧ್ಯಾಹ್ನ 3.30 ರವರೆಗೆ ಸಾಮಾನ್ಯ ಷೇರು ವಹಿವಾಟು ಸೆಷನ್ ಇರಲಿದೆ.ಲೋಕಸಭಾ ಚುನಾವಣೆಯ ನಂತರ ಜುಲೈ 23, 2024 ರಂದು ಮಂಡಿಸಲಾದ ಪೂರ್ಣ BUDGET ದಿನದಂದು, ನಿಫ್ಟಿ ಶೇಕಡಾ 0.12 ರಷ್ಟು ಕುಸಿತದೊಂದಿಗೆ ಕೊನೆಗೊಂಡಿತ್ತು.ಕಳೆದ ವರ್ಷ ಮಧ್ಯಂತರ BUDGET ಮಂಡನೆಯ ದಿನವಾದ ಫೆಬ್ರವರಿ 1, 2024 ರಂದು ನಿಫ್ಟಿ ಶೇಕಡಾ 0.13 ರಷ್ಟು ಕುಸಿತದೊಂದಿಗೆ ಕೊನೆಗೊಂಡಿತ್ತು.
ಏತನ್ಮಧ್ಯೆ, 2025-2026ರ ಹಣಕಾಸು ವರ್ಷದಲ್ಲಿ ಗುಣಮಟ್ಟದ ವೆಚ್ಚ ಸುಧಾರಿಸುವುದು, ಸಾಮಾಜಿಕ ಭದ್ರತಾ ಜಾಲ ಬಲಪಡಿಸುವುದು ಮತ್ತು ವಿತ್ತೀಯ ಕೊರತೆಯನ್ನು ಜಿಡಿಪಿಯ ಶೇಕಡಾ 4.5 ಕ್ಕೆ ಇಳಿಸುವತ್ತ ಸರ್ಕಾರ ಗಮನ ಹರಿಸಲಿದೆ ಎಂದು ಹಣಕಾಸು ಸಚಿವಾಲಯದ ಹೇಳಿಕೆ ತಿಳಿಸಿದೆ.ಅದೇ ಸಮಯದಲ್ಲಿ ದೊಡ್ಡ ಪ್ರಮಾಣದ ಮೂಲಸೌಕರ್ಯ ಯೋಜನೆಗಳು ಮತ್ತು ಬಡವರ ಸಾಮಾಜಿಕ ಕಲ್ಯಾಣ ಯೋಜನೆಗಳ ವೆಚ್ಚವನ್ನು ಹೆಚ್ಚಿಸುವ ಸರ್ಕಾರದ ಗುರಿಯನ್ನು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮುಂದುವರಿಸುವ ನಿರೀಕ್ಷೆಯಿದೆ.ಫೆಬ್ರವರಿ 1 ರಂದು ಸಂಸತ್ತಿನಲ್ಲಿ 2025-26 ರ ಕೇಂದ್ರ BUDGET ಮಂಡಿಸುವ ಸಂದರ್ಭದಲ್ಲಿ ವಿತ್ತೀಯ ಕೊರತೆಯನ್ನು ನಿಯಂತ್ರಣದಲ್ಲಿಟ್ಟು.
ಇದನ್ನು ಓದಿರಿ : SURGICAL SITE INFECTION : ಐಸಿಎಂಆರ್ ಅಧ್ಯಯನ ವರದಿ
