ಗೂಗಲ್ ಹೊಸ ಫೀಚರ್ ಅನ್ನು ಪ್ರಸ್ತುತಪಡಿಸಿದೆ. ತನ್ನ ಮ್ಯಾಪ್ ಅಪ್ಲಿಕೇಶನ್‌ನಲ್ಲಿ ರಿಯಲ್ ಟೈಂ ಸರಾಸರಿ ವಾಯು ಗುಣಮಟ್ಟ ಸೂಚ್ಯಂಕವನ್ನು (AQI) ಪರಿಶೀಲಿಸಲು ಬಳಕೆದಾರರಿಗೆ ಅವಕಾಶ ನೀಡುತ್ತದೆ.
ವಾಯು ಗುಣಮಟ್ಟದ ಒಳನೋಟಗಳನ್ನು ನೀಡುವುದರ ಜೊತೆಗೆ ಪ್ರಸ್ತುತ 2 ಬಿಲಿಯನ್ ಸಕ್ರಿಯ ಬಳಕೆದಾರರನ್ನು ಹೊಂದಿರುವ ಮ್ಯಾಪ್ ಅಪ್ಲಿಕೇಶನ್, ವಾಯು ಗುಣಮಟ್ಟದ ತೀವ್ರತೆಯ ಆಧಾರದ ಮೇಲೆ ಸಲಹೆಗಳು ಮತ್ತು ಒಳನೋಟಗಳನ್ನು ಸಹ ನೀಡುತ್ತದೆ. ನಗರದ ಏರ್ ಕ್ವಾಲಿಟಿ ಜೊತೆ ಸಲಹೆಯೂ ಲಭ್ಯ
ಗೂಗಲ್ ಮ್ಯಾಪ್ ಪ್ರಕಾರ, ಪ್ರತಿ ಗಂಟೆಗೆ ವಾಯು ಗುಣಮಟ್ಟ ಸೂಚ್ಯಾಂಕ ಅಪ್ಡೇಟ್ ಆಗುತ್ತಲೇ ಇರುತ್ತದೆ. ಬಳಕೆದಾರರು ಭಾರತದ ಯಾವುದೇ ಸ್ಥಳದ ವಾಯು ಗುಣಮಟ್ಟದ ಬಗ್ಗೆ ತಿಳಿದುಕೊಳ್ಳಬಹುದು.
ಈ ಫೀಚರ್ ಈ ವಾರದಿಂದ 100ಕ್ಕೂ ಹೆಚ್ಚು ದೇಶಗಳಲ್ಲಿ ಲಭ್ಯವಿರಲಿದೆ. ಗೂಗಲ್ ಮ್ಯಾಪ್ AQI-ಸಂಬಂಧಿತ ಮಾಹಿತಿಯನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳುವ ಸ್ವರೂಪದಲ್ಲಿ ನೀಡುತ್ತದೆ. ಇದನ್ನು 0 ರಿಂದ 500ರ ವರೆಗಿನ ನಿರ್ದಿಷ್ಟ ಪ್ರದೇಶದಲ್ಲಿ ಮಾಲಿನ್ಯಕಾರಕಗಳನ್ನು ಬಳಸಿಕೊಂಡು ಮೌಲ್ಯಮಾಪನದ ಬಗ್ಗೆ ಮಾಹಿತಿ ನೀಡುತ್ತಿದೆ.
0 ರಿಂದ 50ರ ವರೆಗೆ ಉತ್ತಮ, 51 ರಿಂದ 100ರ ವರೆಗೆ ತೃಪ್ತಿಕರ, 101 ರಿಂದ 200 ಮಧ್ಯಮ, 201 ರಿಂದ 300ರ ವರೆಗೆ ಕಳಪೆ, 301 ರಿಂದ 400 ಅತ್ಯಂತ ಕಳಪೆ, 401 ರಿಂದ 500ರ ವರೆಗೆ ತೀವ್ರ ಕಳಪೆ.
ಮ್ಯಾಪ್ನಲ್ಲಿ ವಾಯು ಗುಣಮಟ್ಟವನ್ನು ವಿವಿಧ ಬಣ್ಣಗಳನ್ನು ಬಳಸಿ ಗೂಗಲ್ ಬಗ್ಗೆ ಮಾಹಿತಿ ನೀಡುತ್ತದೆ. ಹಸಿರು ಬಣ್ಣ ಉತ್ತಮಕ್ಕೆ ಬಳಸಿಕೊಂಡ್ರೆ, ಕೆಂಪು ಬಣ್ಣ ತೀವ್ರ ಕಳಪೆಗೆ ಬಳಸುತ್ತಿದೆ ಗೂಗಲ್.
AQI ಅನ್ನು ಅವಲಂಬಿಸಿ, ಗೂಗಲ್ ಮ್ಯಾಪ್ ಸಾಮಾನ್ಯ ಮತ್ತು ದುರ್ಬಲ ಜನಸಂಖ್ಯೆಯ ಮೇಲೆ ಹೇಗೆ ಪರಿಣಾಮ ಬೀರಬಹುದು ಎಂಬುದರ ಕುರಿತು ಎಚ್ಚರಿಕೆಯ ಸಂದೇಶವನ್ನು ಸಹ ನೀಡುತ್ತದೆ. ತೀವ್ರವಾದ AQI ಸಂದರ್ಭದಲ್ಲಿ, ಸಾಮಾನ್ಯ ಜನರು ಹೊರ ಚಟುವಟಿಕೆಯನ್ನು ತಪ್ಪಿಸಲು ಗೂಗಲ್ ಮ್ಯಾಪ್ ಶಿಫಾರಸು ಮಾಡುತ್ತದೆ. ಅಷ್ಟೇ ಅಲ್ಲ, ಅಸಕ್ತರು, ವಯಸ್ಸಾದವರು ಮನೆಯಲ್ಲೇ ಇರಬೇಕೆಂದು ಸೂಚಿಸುತ್ತದೆ.
ನೀವು ಕಳಪೆ ಅಥವಾ ತೀವ್ರ AQI ಹೊಂದಿರುವ ಸ್ಥಳದಲ್ಲಿ ವಾಸಿಸುತ್ತಿದ್ದರೆ, ಏರ್ ಪ್ಯೂರಿಫೈಯರ್ ಅನ್ನು ಪಡೆಯಲು ಶಿಫಾರಸು ಮಾಡಲಾಗುತ್ತದೆ ಮತ್ತು ಸರಿಯಾದುದನ್ನು ಆಯ್ಕೆ ಮಾಡಲು ವಿವರವಾದ ಮಾರ್ಗದರ್ಶನ ನೀಡುತ್ತದೆ.
ಸ್ಥಳದ ವಾಯು ಗುಣಮಟ್ಟದ ಬಗ್ಗೆ ತಿಳಿಯಲು ಮೊದಲು ಗೂಗಲ್ ಮ್ಯಾಪ್ಸ್ ಅನ್ನು ಓಪನ್ ಮಾಡಿ. ಲೇಯರ್‌ಗಳ ಐಕಾನ್ ಮೇಲೆ ಕ್ಲಿಕ್ ಮಾಡಿ ಮತ್ತು ವಾಯು ಗುಣಮಟ್ಟವನ್ನು ಆಯ್ಕೆಮಾಡಿ. ಇದು ನಿಮ್ಮ ಸ್ಥಳದ ರಿಯಲ್ ಟೈಂ AQI ಅನ್ನು ತೋರಿಸುತ್ತದೆ. ಅದೇ ರೀತಿ, ನೀವು ಎಲ್ಲಿಯಾದರೂ ಪ್ರಯಾಣಿಸಲು ಯೋಜಿಸುತ್ತಿದ್ದರೆ, ಅದೇ ವಿಧಾನವನ್ನು ಬಳಸಿಕೊಂಡು ಆ ಸ್ಥಳದ ವಾಯು ಗುಣಮಟ್ಟವನ್ನು ಸಹ ನೀವು ಪರಿಶೀಲಿಸಬಹುದಾಗಿದೆ.
