ಕುಪರ್ಟಿನೋ ಮೂಲದ ಆ್ಯಪಲ್ ಕೊನೆಗೂ ಐಫೋನ್ 16 ಸಿರೀಸ್ ಅನ್ನು ಬಿಡುಗಡೆ ಮಾಡಿದೆ. ನೂತನ ಬ್ರ್ಯಾಂಡೆಡ್ ಫೋನ್ ಈಗಾಗಲೇ ಹಲವರ ಮನಗೆದ್ದಿದೆ. ಆದರೆ ಇನ್ನು ಕೆಲವರು ಅದರ ಮೂಲ ಬೆಲೆ ಕೇಳಿ ತಲೆ ಕೆಡಿಸಿಕೊಂಡಿದ್ದಾರೆ. ಸದ್ಯ ಭಾರತವನ್ನು ಸೇರಿಸಿ ಕಡಿಮೆ ಬೆಲೆಗೆ ಐಫೋನ್ 16 ಸಿರೀಸ್ ಯಾವ ದೇಶದಲ್ಲಿ ಸಿಗುತ್ತದೆ ಎಂದು ನೋಡೋಣ.
iPhone 16 ಮತ್ತು ಐಫೋನ್ 16 ಪ್ಲಸ್ 5 ಬಣ್ಣದಲ್ಲಿ ಸಿಗಲಿದೆ. ಕಪ್ಪು, ಬಿಳಿ, ಗುಲಾಬಿ, ಟೀಲ್ ಮತ್ತು ಅಲ್ಟ್ರಾಮರೀನ್ ಬಣ್ಣದಲ್ಲಿ ಖರೀದಿಸಬಹುದಾಗಿದೆ. ಸೆಪ್ಟೆಂಬರ್ 13ರಿಂದ ಐಫೋನ್ 16 ಆರ್ಡರ್ ಪ್ರಾರಂಭವಾಗುತ್ತದೆ. ಸೆಪ್ಟೆಂಬರ್ 20ರಿಂದ ಖರೀದಿಗೆ ಸಿಗುತ್ತದೆ.
ಭಾರತದ ರೂಪಾಯಿಗಳಲ್ಲಿ ಐಫೋನ್ 16ನ ದರ 128ಜಿಬಿ ಮಾಡಲ್ 79,900 ರೂಪಾಯಿಂದ ಶುರುವಾಗುತ್ತದೆ. ಇದೆ ಹ್ಯಾಂಡ್ಸೆಟ್ 256 ಜಿಬಿ ಹಾಗೂ 512ಜಿಬಿ ಮಾಡಲ್ನಲ್ಲೂ ಕೂಡ ದೊರೆಯುತ್ತವೆ ಅವುಗಳ ಬೆಲೆ 89,900 ಹಾಗೂ 1,09,900 ರೂಪಾಯಿ.
ಇನ್ನು iPhone 16 ಪ್ಲಸ್ 128 ಜಿಬಿ ಮಾಡಲ್ನ ಬೆಲೆ 89,900 ಒಂದು ವೇಳೆ ನೀವು 256ಜಿಬಿಯನ್ನು ಆಯ್ಕೆ ಮಾಡಿಕೊಂಡಲ್ಲಿ ಅದರ ಬೆಲೆ ಒಂದು ಲಕ್ಷಕ್ಕೆ ಜಸ್ಟ್ ನೂರು ರೂಪಾಯಿ ಕಡಿಮೆ ಅಂದ್ರೆ 99,900. ಇನ್ನು ಐಫೋನ್16ಪ್ಲಸ್ 512 ಜಿಬಿ ಸ್ಟೋರೆಜ್ ಹೊಂದಿರುವ ಮಾಡೆಲ್ಗೆ 1,19,900 ರೂಪಾಯಿಯನ್ನು ನಿಗದಿ ಮಾಡಲಾಗಿದೆ.
ಭಾರತದ ರೂಪಾಯಿಗಳಲ್ಲಿ ಐಫೋನ್ ಪ್ರೊ ಹಾಗೂ ಪ್ರೊಮ್ಯಾಕ್ಸ್ನ ಬೆಲೆಯನ್ನು ನೋಡುವುದಾದರೆ ಐಫೋನ್ 16 ಪ್ರೊ 128ಜಿಬಿ ಮಾಡಲ್ನ ಬೆಲೆ 1,19,900. ಆದ್ರೆ ಗ್ರಾಹಕರು ಈ ಸರಣಿಯಲ್ಲೂ 256 ಜಿಬಿ, 512 ಜಿಬಿ 1ಟಿಬಿ ಸ್ಟೋರೆಜ್ ಇರುವ ಹ್ಯಾಂಡ್ಸೆಟ್ನ್ನು ಆಯ್ಕೆ ಮಾಡಿಕೊಳ್ಳಬಹುದು ಅವುಗಳ ಬೆಲೆ 256 ಜಿಬಿ ಸ್ಟೋರೆಜ್ನದ್ದು 1,29,990 ರೂಪಾಯಿ 512 ಜಿಬಿಯದ್ದು 1,49,900 ಹಾಗೂ 1 ಟೆರಾಬೈಟ್ ಸ್ಟೋರೆಜ್ ಇರುವ ಹ್ಯಾಂಡ್ಸೆಟ್ನ ಬೆಲೆ 1,69,900 ರೂಪಾಯಿಗಳು.
ಇದನ್ನೂ ಓದಿ:ವಿದ್ಯಾರ್ಥಿಗಳಿಗೆ ಗುಡ್ ನ್ಯೂಸ್ ; ಪರೀಕ್ಷೆ ಇಲ್ಲದೆ, 3 ಸಾವಿರಕ್ಕೂ ಅಧಿಕ ಜಾಬ್ಸ್ ಲಭ್ಯ..!
ಇನ್ನು ಐಫೋನ್ ಪ್ರೊಮ್ಯಾಕ್ಸ್ನ 256ಜಿಬಿ ಸ್ಟೋರೆಜ್ ಇರುವ ಹ್ಯಾಂಡ್ಸೆಟ್ ಬೆಲೆ 1,44,900 ರೂಪಾಯಿಗಳು. ಇದೇ ಐಫೋನ್ 512 ಜಿಬಿ ಸ್ಟೋರೆಜ್ನ ಸಾಮರ್ಥ್ಯವನ್ನು ಹೊಂದಿರುವ ಮಾಡೆಲ್ ಇದೆ. ಅದರ ಬೆಲೆ 1,64,900 ರೂಪಾಯಿಗಳು. ಅದೇ 1 ಟೆರಾ ಬೈಟ್ ಸ್ಟೋರೆಜ್ ಸಾಮರ್ಥ್ಯವಿರುವ ಮಾಡೆಲ್ನ ಬೆಲೆ 1,84,900 ರೂಪಾಯಿಗಳು.
ಭಾರತವನ್ನು ಹೊರತು ಪಡಿಸಿ ಅಮೆರಿಕಾದಲ್ಲಿ ಐಫೋನ್ 16 ಸಿರೀಸ್ ಬೆಲೆ 67,100 ರಿಂದ ಪ್ರಾರಂಭವಾಗುತ್ತದೆ. ಐಫೋನ್ 16 ಪ್ರೊ ಮ್ಯಾಕ್ಸ್ 1,00,692 ರೂಪಾಯಿಗೆ ಸಿಗುತ್ತದೆ.
ಕೆನಡಾ ದೇಶದಲ್ಲೂ 69,874 ರೂಪಾಯಿಗೆ iPhone16 ಸಿರೀಸ್ ಸಿಗುತ್ತದೆ. ಇನ್ನು ದುಬೈನಲ್ಲಿ 77,701 ರೂಪಾಯಿಗೆ ಐಫೋನ್ 16 ಖರೀದಿಸಬಹುದಾಗಿದೆ.
ಇದನ್ನೂ ಓದಿ:ಹಣ ಅಂದ್ರೆ, ಹೆಣ ಕೂಡ ಬಾಯಿ ಬಿಡುತ್ತೆ; ದ್ರಾವಿಡ್ ಪದೇ ಪದೇ ಈ ಮಾತು ಸುಳ್ಳು ಮಾಡಿದ್ದಾರೆ.!
ಇನ್ನು ಸಿಂಗಪುರ ಮತ್ತು ಯುನೈಟೆಡ್ ಕಿಂಗ್ಡಮ್ನಲ್ಲಿ ಐಫೋನ್ 16 ಬಲು ದುಬಾರಿಯಾಗಿದೆ. 83,604 ರೂಪಾಯಿಗೆ ಐಫೋನ್ 16 ಸಿಂಗಾಪುರದಲ್ಲಿ ದೊರೆತರೆ, 87,826 ರೂಪಾಯಿಗೆ ಯುನೈಟೆಡ್ ಕಿಂಗ್ಡಮ್ನಲ್ಲಿ ಖರೀದಿಸಲು ಸಿಗುತ್ತದೆ.
